Долқун әйса һиндистанда чиқидиған “башламчи” гезитидә мақалә елан қилип, “хитай-пакистан иқтисадий каридори” ни әйиблиди

Мухбиримиз қутлан
2017-08-27
Share

26-Авғуст күни дуня уйғур қурултийиниң баш катипи долқун әйсаниң “хитай-пакистан иқтисадий каридориниң четилиш даириси вә уйғурларниң бастурулуши” намлиқ мақалиси һиндистанда чиқидиған “башламчи” гезитигә бесилған.

Мақалида “хитай-пакистан иқтисадий каридори” ниң қандақ бир арқа көрүнүштә мәйданға кәлгәнлики, хитайниң бу җәһәттә йәтмәкчи болған истратегийилик пилани вә бу қурулушқа салған һесабсиз мәблиғи қарап чиқилған.

Мақалиниң мәркизий һалқиси уйғур мәсилиси болуп, униңда хитайниң мәзкур иқтисадий каридорни мувәппәқийәтлик ишқа кириштүрүш үчүн уйғурлардин ибарәт бу “тосалғу” ни йоқ қилишқа қандақ урунуватқанлиқи пакитлар арқилиқ баян қилинған.

Мәзкур мақалидә хитайниң дөләт хәвпсизлик тәдбирлири вә уйғур диярини һәрбийләштүрүши; аз тәрәпләрниң мәнпәәтини көздә тутуп, көп тәрәпләрни қурбанлиқ қиливатқанлиқи; муһитқа еғир хирис елип кәлгәнлики шундақла районға зор түркүмдики хитай көчмәнлирини көчүрүп, йәрлик хәлқни тез сүрәттә еритип түгитиш пиланини ишқа кириштүриватқанлиқи қатарлиқ җиддий мәсилиләр пакитлар арқилиқ оттуриға қоюлған.

Көзәткүчиләр, долқун әйсаниң мәзкур мақалисиниң хитай билән һиндистан оттурисидики чегра кризиси күчийиватқан мәзгилдә һиндистан гезитидә елан қилиниши муһим әһмийәткә игә, бу, һиндистан хәлқигә хитайниң пакистан билән бирлишип ойнаватқан сиясий оюнлирини ечип көрситиштә бәлгилик түрткә болиду, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт