Dolqun eysa hindistanda chiqidighan "Bashlamchi" gézitide maqale élan qilip, "Xitay-pakistan iqtisadiy karidori" ni eyiblidi

Muxbirimiz qutlan
2017-08-27
Share

26-Awghust küni dunya Uyghur qurultiyining bash katipi dolqun eysaning "Xitay-pakistan iqtisadiy karidorining chétilish da'irisi we Uyghurlarning basturulushi" namliq maqalisi hindistanda chiqidighan "Bashlamchi" gézitige bésilghan.

Maqalida "Xitay-pakistan iqtisadiy karidori" ning qandaq bir arqa körünüshte meydan'gha kelgenliki, xitayning bu jehette yetmekchi bolghan istratégiyilik pilani we bu qurulushqa salghan hésabsiz meblighi qarap chiqilghan.

Maqalining merkiziy halqisi Uyghur mesilisi bolup, uningda xitayning mezkur iqtisadiy karidorni muweppeqiyetlik ishqa kirishtürüsh üchün Uyghurlardin ibaret bu "Tosalghu" ni yoq qilishqa qandaq urunuwatqanliqi pakitlar arqiliq bayan qilin'ghan.

Mezkur maqalide xitayning dölet xewpsizlik tedbirliri we Uyghur diyarini herbiyleshtürüshi؛ az tereplerning menpe'etini közde tutup, köp tereplerni qurbanliq qiliwatqanliqi؛ muhitqa éghir xiris élip kelgenliki shundaqla rayon'gha zor türkümdiki xitay köchmenlirini köchürüp, yerlik xelqni téz sür'ette éritip tügitish pilanini ishqa kirishtüriwatqanliqi qatarliq jiddiy mesililer pakitlar arqiliq otturigha qoyulghan.

Közetküchiler, dolqun eysaning mezkur maqalisining xitay bilen hindistan otturisidiki chégra krizisi küchiyiwatqan mezgilde hindistan gézitide élan qilinishi muhim ehmiyetke ige, bu, hindistan xelqige xitayning pakistan bilen birliship oynawatqan siyasiy oyunlirini échip körsitishte belgilik türtke bolidu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet