Analizchilar: xitayning dolan medeniyitini kötürüp chiqishi Uyghur medeniyitini parchilash gherizini ashkarilap béridu

Muxbirimiz jewlan
2021.01.13
Share on WhatsApp
Share on WhatsApp

Xitay hökümitining Uyghur rayonidiki medeniyet zorawanliqi xilmu xil shekilde élip bérilmaqta. Xitay bir yaqtin xitay medeniyitini Uyghur medeniyitining ornigha dessetmekchi bolsa, bir yaqtin Uyghur medeniyitining bir pütünlükini buzushqa urunmaqta.

13-Yanwar “Aqsu géziti” de bérilgen bir xewerdin melum bolushiche, aqsu awat nahiyesining partkom sékritari awattiki dolan medeniyitini alahide gewdilendürüp, “Xitay dolan medeniyiti makani” qurup chiqmaqchi iken.

Bu xitay emeldarning bildürüshiche, dolan ayrim bir medeniyet, ayrim bir marka bolup, yémek-ichmektin tartip neghme-meshrepkiche bashqa medeniyettin ayrilip turidiken, “Dolanliqlar” ning örp-aditi bashqilarningkige oxshimighachqa sayahetchilerni qiziqturalaydiken. Shunga u bu medeniyetni gewdilendürüsh üchün, “Dolan menzire rayoni”, “Dolan medeniyet-sen'et merkizi” ni qurup chiqqan, u yene “Dolan musellisi” ni xitaydiki dangliq markigha aylandurush üchün tirishmaqta iken.

Analizchilarning qarishiche, xitayning Uyghurlarni parchilash hiylisi ezeldin tartip mewjut bolup, “Alte sheherlik” bilen “Taranchi” ni ikki millet qilip körsitish, yekendiki bir qisim shi'e mezhipidiki Uyghurlargha meschit sélip bérish arqiliq sünniy mezhipidiki Uyghurlargha qarshi qoyush hemde Uyghurlar ichide mezhepler toqunushining ulghiyip kétishige yol qoyush, rayonlar ara medeniyet perqini köptürüp, ayrim medeniyet qilip körsitish qatarliqlar buning misalliri hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.