Amérika dölet mejlisi ezaliri amérikaliqlarning korona wirusida xitayni sotqa tartishigha ruxset qilish qanun layihesi sun'ghan

Muxbirimiz erkin
2020-04-20
Share

Amérikaning ikki awam we kéngesh palata ezasi amérikaliqlarning xitayni sotqa tartip, uni korona wirusi yuqumida keltürüp chiqarghan ziyinini tölitishige ruxset qilish qanun layihisi sun'ghan.

Qanun layihesini jumhuriyetchi awam palata ezasi den krénshaw bilen kéngesh palata ezasi tam katton otturigha qoyghan. Qanun layihiside amérikaning chet'el igilik hoquqi kechürüm qilish qanunigha tüzitish kirgüzülüp, amérikaliqlarning fédératsiye sot mehkimilirige xitay üstidin erz qilishigha yol qoyulghan.

Mezkur qanun layihesi prézidént tramp, eger xitay korona wirusining "Tarqilishigha bilip turup yol qoyghan bolsa", uning éghir bedel töleydighanliqini tekitligen mezgilde otturigha qoyulghan. Kéngesh palata ezasi tam katton bu heqtiki bayanatida: "Xitay kompartiyesi dunyani korona wirusi heqqide agahlandurmaqchi bolghan doxtur we zhurnalistlarni jimiqturup, yuqumning dunyada keng tarqilishigha yol achti. Ularning wirusni yushurushi minglighan bihude ölüm we sansizlighan iqtisadi ziyanni keltürüp chiqardi. Biz xitay hökümitining keltürüp chiqarghan ziyanni üstige élishi muwapiq, dep qaraymiz" dégen.

Melum bolushiche, bu qanun layihisi amérikaning "Térrorluqni qollighuchilargha qarshi turush adalet qanuni" ni ülge alghan bolup, u "Xelq'ara ammiwi saghlamliq jiddiy ehwallirida uchurni yoshurghan yaki burmilighan chet'el döletlirige qarita heq telep dawasi qilish" ni chiqish qilghan iken. Nöwette, xitay hökümiti ret qilsimu, lékin bezi deliller korona wirusining wuxen wirus tetqiqat ornidin tarqalghanliqi, xitayning buni yoshurghanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet