Amérika dölet mejliside "Uyghur qollash goruppisi" quruldi

Muxbirimiz nur'iman
2021-07-29
Share

"Aksiyos" (Axios) torining 29-iyul bergen xewirige qarighanda amérika dölet mejlisi ezaliri xitay kompartiyesinng Uyghurlargha qaritilghan kishilik hoquq depsendichiliki yürgüzüshtiki mes'uliyitini sürüshtürüsh üchün amérika dölet mejliside "Amérika dölet mejlisi Uyghur qollash goruppisi" (Uyghur Caucus) teshkilligen.

Uyghur herikiti teshkilatining bu heqte bergen bayanatigha qarighanda amérika dölet mejlisidiki mezkur "Amérika dölet mejlisi Uyghur qollash goruppisi" Uyghur herikiti teshkilatining teshebbusi qilishi bilen mejlis ezaliridin tom su'ozi we kiristofér simis teripidin qurulghan.

Tom su'ozi özining ijtima'iy taratqu bétide mezkur goruppa heqqide mundaq dep yazghan: "Tünügün men xitay kompartiyesi sadir qilghan 21-esirdiki eng chong kishilik hoquqni depsendichilikini hel qilish üchün, partiye halqighan 'amérika dölet mejlisi Uyghur qollash goruppisi' qurushqa yardem qildim".

Tom su'ozi "Aksiyos" torining ziyaritini qobul qilghanda mundaq dégen: "Xitaydin keltürülgen mejburiy emgek bilen ishlepchiqirilghan mehsulatlar erzan. Shunga kishiler: 'way xudayim, eger biz shinjang bilen soda qilmisaq, mehsulatning tennerxi örleydu'déyishidu. Bu bek ichinarliq inkas. Bu hemmeylenning wijdanini oyghitishi kérek".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet