Amérika dölet mejliside Uyghurlarning kishilik hoquq weziyiti heqqide mexsus yighin échildi

Muxbirimiz irade
2017-10-26
Share

26-Öktebir küni amérika dölet mejliside mexsus Uyghurlar heqqide bir guwahliq bérish yighini ötküzüldi. Bu yighin, amérika dölet mejlisige qarashliq “Tom lentos kishilik hoquq komitéti” teripidin uyushturuldi.

Mezkur yighinning témisi “Xitaydiki we chet'ellerdiki Uyghurlarning kishilik hoquqi” dégen témigha béghishlan'ghan bolup, yighin'gha dunya Uyghur qurultiyining re'isi rabiye qadir xanim, “Xelq'ara kishilik hoquqni közitish teshkilati” xitay ishliri diréktori sofi richardson, “Tashqi siyaset” zhurnilining muxbiri bésaniy ellin xanim we “Erkin asiya radiyosi” Uyghur bölümining bashliqi alim séyitof ependiler qatnashti we Uyghurlarning weziyiti üstide söz qildi.

Uyghurlarning meyli Uyghur élida bolsun yaki chet'ellerde bolsun, xitay hökümitining türlük usullar arqiliq qiliwatqan biwasite we wasitilik bésimigha uchrawatqanliqi tekitlen'gen bu yighinda Uyghurlargha qiliniwatqan zulumning xelq'aragha ashkarilinish mesilisimu alahide otturigha qoyuldi. Sofi richardson we bétiniy xanimlar sözliride “Erkin asiya radiyosi” Uyghur bölümining bu jehette hel qilghuch rol oynawatqanliqini tekitligen shundaqla “Erkin asiya radiyosi” gha bérilidighan mebleghning köpeytilishi we ularning xizmetlirining köplep qollashqa érishishi kéreklikini alahide eskertken.

Yighin heqqidiki tepsilatlarni anglitishimiz dawamida tepsiliy xewerler sehipiside dawamliq anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet