Amérika dölet mejlisining xitay ishliri komitéti xitaygha qarshi “Olimpik mehbusliri” namliq heriket bashlidi

Muxbirimiz erkin
2021-12-03
Share

Amérika dölet mejlisining xitay ishliri komitéti 2-dékabir küni ijtima'iy taratqularda xitaygha qarshi “Olimpik mehbusliri” namliq heriket bashlighan. Melum bolushiche, bu heriket béyjing qishliq olimpik musabiqisi harpisida xitaydiki siyasiy mehbuslarning ehwalini ashkarilash, ularning qoyup bérilishini qolgha keltürüshni meqset qilghaniken. Bu heriket xelq'arada xitayning Uyghurlargha “Irqiy qirghinchiliq” qilishi seweblik béyjing qiliq olimpikini bayqut qilish chuqanliri küchiyiwatqan, bezi döletler diplomatik bayqut élan qilghan bir waqitta bashlan'ghan.

Mezkur komitétining bayanatida qeyt qilinishiche, ular twittér we instégram arqiliq tunji türkümde türmidiki zhurnalistlarning tizimlikini élan qilghan. Bayanatta, kéyinrek türmidiki Uyghurlar, tibetler, xristi'anlar we falun'gongchilarni ‍öz ichige alghan 1500 din artuq déloni élan qilidighanliqini bildürgen. Shu munasiwet bilen 2-dékabir küni xitay ishliri komitétining qosh re'isliridin awam palata ezasi jéymis mikgowérin bilen kéngesh palata ezasi jéf mérkléy söz qilip, kishilerni bu heriketke qatnishishqa chaqirghan.

Ular mundaq dégen: “Xitay hökümiti olimpikni bulghidi. Shuni untup qalmasliqimiz kérek, bu jelpkarliqning arqisidiki kishi peqet bir shexs. Bizning tirishchanliqimiz zéhnimizni bu shekilwazliqqa merkezleshtürüsh emes, belki olimpikni tebrikliyelmeydighan heqiqiy kishilerge qaritishtur. Chünki, ular olimpikni ötküzgen hökümet teripidin adaletsiz türmige tashlan'ghan. Biz köpchilikning birliship, xelq'ara olimpik komitéti we uning shériklirini xitay hökümitige bésim ishlitip, bu wijdan mehbuslirini qoyup bérishini, ularning olimpik rohigha chaplighan daghni azaytishini ümid qilimiz”.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet