«Хәлқара кишилик һоқуқ күни» дә америка дөләт мәҗлиси баянат елан қилди

Мухбиримиз әзиз
2017-12-11
Елхәт
Пикир
Share
Принт

Һәр йили 10-декабирдики «хәлқара кишилик һоқуқ күни» мунасивити билән америка дөләт мәҗлиси қармиқидики хитай ишлири комитети баянат елан қилди һәмдә хитайниң бу һәқтики дәпсәндичилик қилмишини қаттиқ әйиблиди.

Мәзкур комитетниң тор бетидә елан қилинған бу баянатни комитет рәиси, америка кеңәш палатасиниң әзаси марко рубйо вә униң орунбасари, америка авам палата әзаси кристофер симис бирликтә тәйярлиған. Униңда бу хатирә күндә б д т ниң «кишилик һоқуқ хитабнамиси» ниң қобул қилинғанлиқи алаһидә әскәртилип, бу хитабнаминиң барчә инсанларниң диний етиқад, пикир әркинлики, йиғилиш әркинлики қатарлиқ түплүк һоқуқлириниң капалити икәнлики тәкитләнгән. Шуниңдәк хитай һөкүмитиниң бу һәқ вә һоқуқларни қаттиққоллуқ билән чәкләп келиватқанлиқи тәнқидләнгән.

Баянатта йәнә илһам тохти қатарлиқ зиялийларниң батурларчә көкрәк керип, хитай һөкүмитиниң бу чәклимилиригә қарши оттуриға чиққанлиқи, өзлириниң ашу хил пидакарлиқ вә шиҗаәтни пүтүн күчи билән қоллайдиғанлиқи тәкитләнгән. Ахирида улар хитайда һөкүм сүрүватқан диктаторлуқниң һәрвақит кишилик һоқуқ үчүн хирис икәнлики, әмма әркинлик вә һөрлүкниң инсанларниң һәқиқий арзуси сүпитидә ахирқи һесабта ғәлибигә еришидиғанлиқиға қәтий ишинидиғанлиқини билдүргән.

Пикирләр (0)
Share
Толуқ бәт