"Xelq'ara kishilik hoquq küni" de amérika dölet mejlisi bayanat élan qildi

Muxbirimiz eziz
2017-12-11
Élxet
Pikir
Share
Print

Her yili 10-dékabirdiki "Xelq'ara kishilik hoquq küni" munasiwiti bilen amérika dölet mejlisi qarmiqidiki xitay ishliri komitéti bayanat élan qildi hemde xitayning bu heqtiki depsendichilik qilmishini qattiq eyiblidi.

Mezkur komitétning tor bétide élan qilin'ghan bu bayanatni komitét re'isi, amérika kéngesh palatasining ezasi marko rubyo we uning orunbasari, amérika awam palata ezasi kristofér simis birlikte teyyarlighan. Uningda bu xatire künde b d t ning "Kishilik hoquq xitabnamisi" ning qobul qilin'ghanliqi alahide eskertilip, bu xitabnamining barche insanlarning diniy étiqad, pikir erkinliki, yighilish erkinliki qatarliq tüplük hoquqlirining kapaliti ikenliki tekitlen'gen. Shuningdek xitay hökümitining bu heq we hoquqlarni qattiqqolluq bilen cheklep kéliwatqanliqi tenqidlen'gen.

Bayanatta yene ilham toxti qatarliq ziyaliylarning baturlarche kökrek kérip, xitay hökümitining bu cheklimilirige qarshi otturigha chiqqanliqi, özlirining ashu xil pidakarliq we shija'etni pütün küchi bilen qollaydighanliqi tekitlen'gen. Axirida ular xitayda höküm sürüwatqan diktatorluqning herwaqit kishilik hoquq üchün xiris ikenliki, emma erkinlik we hörlükning insanlarning heqiqiy arzusi süpitide axirqi hésabta ghelibige érishidighanliqigha qet'iy ishinidighanliqini bildürgen.

Toluq bet