31-Июл күни хитай әлчиханилири алдида дуняви намайиш өткүзүлидикән

Мухбиримиз әзиз
2022.07.26
Share on WhatsApp
Share on WhatsApp

Хитай һөкүмитиниң уйғурларға ирқий қирғинчилиқ қилишиға қаршилиқ көрситиш һәркитиниң бир қисми сүптиидә дуняниң һәрқайси җайлиридики уйғур муһаҗирлири 31-июл күни бирла вақитта өзлири турушлуқ әлләрдики хитай әлчиханилири алдида наразилиқ намайиши өткүзүп, өзлириниң хитай һөкүмитигә вә хитай компартийәсигә болған ғәзәп-нәпритини ипадиләшни қарар қилған.

“уйғурларни қоллаш тәшкилати” (Stand4Uyghurs) уюштурған бу қетимлиқ дунявий намайиш паалийити әнглийәниң лондон, манчестер вә единбург шәһәрлиридә, австралийәниң сидний вә мелбурн шәһәрлиридә, шундақла истанбул, канаданиң торонто шәһри һәмдә америка пайтәхти вашингтондики хитай әлчиханилири алдида тәңла өткүзүлидикән. Бу намайишларға һәрқайси җайлардики йүзгә йеқин ислам тәшкилатлири, уйғур муһаҗирлири, шуниңдәк хитай һөкүмитиниң қирғинчилиқ қилмишиға наразилиқ билдүргүчи һәр саһә кишилири иштирак қилидикән. Нөвәттә бу намайишниң тәйярлиқи җиддий давам қилмақта икән.

Мәлум болушичә, хитай һөкүмитиниң уйғурларни қирғин қилиши дуняниң һәрқайси җайлиридики адаләтни сөйидиған һәрсаһә кишилириниң бирдәк қаршилиқиға дуч келиватқан болуп, бу һал ислам дөләтлириниң хитай һөкүмти билән иқтисадий мәнпәәтни чөридигән “достанә мунасивити” билән рошән селиштурма һасил қилмақта икән. Вашингтондики хитай әлчиханиси алдида болидиған намайиш 31-июл (йәкшәнбә) күни әтигән саәт 11 йеримдин чүштин кейин саәт иккигичә давам қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.