31-Iyul küni xitay elchixaniliri aldida dunyawi namayish ötküzülidiken

Muxbirimiz eziz
2022.07.26
Share on WhatsApp
Share on WhatsApp

Xitay hökümitining Uyghurlargha irqiy qirghinchiliq qilishigha qarshiliq körsitish herkitining bir qismi süpti'ide dunyaning herqaysi jayliridiki Uyghur muhajirliri 31-iyul küni birla waqitta özliri turushluq ellerdiki xitay elchixaniliri aldida naraziliq namayishi ötküzüp, özlirining xitay hökümitige we xitay kompartiyesige bolghan ghezep-nepritini ipadileshni qarar qilghan.

“Uyghurlarni qollash teshkilati” (Stand4Uyghurs) uyushturghan bu qétimliq dunyawiy namayish pa'aliyiti en'gliyening london, manchéstér we édinburg sheherliride, awstraliyening sidniy we mélburn sheherliride, shundaqla istanbul, kanadaning toronto shehri hemde amérika paytexti washin'gtondiki xitay elchixaniliri aldida tengla ötküzülidiken. Bu namayishlargha herqaysi jaylardiki yüzge yéqin islam teshkilatliri, Uyghur muhajirliri, shuningdek xitay hökümitining qirghinchiliq qilmishigha naraziliq bildürgüchi her sahe kishiliri ishtirak qilidiken. Nöwette bu namayishning teyyarliqi jiddiy dawam qilmaqta iken.

Melum bolushiche, xitay hökümitining Uyghurlarni qirghin qilishi dunyaning herqaysi jayliridiki adaletni söyidighan hersahe kishilirining birdek qarshiliqigha duch kéliwatqan bolup, bu hal islam döletlirining xitay hökümti bilen iqtisadiy menpe'etni chöridigen “Dostane munasiwiti” bilen roshen sélishturma hasil qilmaqta iken. Washin'gtondiki xitay elchixanisi aldida bolidighan namayish 31-iyul (yekshenbe) küni etigen sa'et 11 yérimdin chüshtin kéyin sa'et ikkigiche dawam qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.