D u q abduqadir jalalidinning tutqun qilin'ghanliqi heqqide bayanat élan qilip, xitayni eyiblidi

Muxbirimiz eziz
2018-04-23
Share

Ötken yigirme nechche yil mabeynide özining yéqishliq yazmiliri bilen keng Uyghur oqurmenlirining chongqur hörmitige érishken gholluq ziyaliylardin abduqadir jalalidinning bu yil 29-yanwarda tutup kétilgenliki melum boldi. Bu munasiwet bilen dunya Uyghur qurultiyi 23-aprél küni resmiy bayanat élan qildi hemde xitay hökümitining yolsiz qilmishini eyiblidi.

Bayanatta körsitilishiche, 2018-yili 29-yanwarda xitay dölet amanliqi saqchiliri abduqadir jalalidinning öyini axturghan, andin uning béshigha qara xalta kiydürüp élip ketken. Emma xitay da'iriliri hazirgha qeder abduqadir jalalidinning "Jinayiti" yaki uning nediliki we hazirqi ehwali heqqide héchqandaq uchur bermigen.

Bayanatta abduqadir jalalidinning qolgha élinishi ötken birnechche yilda bir qatar Uyghur ziyaliylirini arqimu-arqidin qolgha élish herikitining bir qismi ikenliki alahide tekitlen'gen hemde "Xitay hökümitining Uyghurlarning serxillirini qolgha ilish qilmishliri sherqiy türkistanda yigirme-ottuz yildin buyan toxtap qalghan emes," dep körsitilgen.

Ötken hepte bu heqtiki xewerler toghriliq söz qilghan d u q ning aliy rehbiri rabiye qadir xanim, buning hazirqi éghir siyasiy weziyette héchqandaq heyran qalarliq ish emeslikini, emma abduqadir jalalidindek éhtiyatchan bir alimningmu saq qalmighanliqidin özining bekmu chöchügenlikini bildürgen idi. U bu heqtiki bayanatida "Siyasiygha arilashmay turup ilim saheside heqni sözligenliki hemde xelqning köngül töridin orun alghanliqi üchün xelq söygen bu ziyaliy qamaqqa mehkum bolghan," dep körsetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet