D u q xelq'arani, Uyghurlarni tutqun qilishini toxtitish heqqide xitaygha bésim ishlitishke chaqirdi

Muxbirimiz méhriban
2013.11.05

D u q bayanatchisi dilshat rishit, bügün radi'omiz arqiliq bayanat bérip, da'irilerning turpanda 20 ademni qolgha élip, yene 78 Uyghur üstidin tutush buyruqi chiqirilghanliqini bildürüp, xelq'arani Uyghurlarni tutqun qilishini toxtitish heqqide xitaygha bésim ishlitishke chaqirdi.

Bayanatchi dilshat rishit sözide, da'irilerning 28-öktebir tyen'enmén'ge aptomobil bilen hujum qilish weqesidin kéyin, ürümchi, ghulja qatarliq jaylardin hazirghiche 100 din artuq ademni tutqun qilghanliqini, buning ichide ghulja shehiridinla 53 Uyghurni tutqun qilghandin kéyin, yene turpan wilayiti tewesidin 20 ademni tutup, 78 adem üstidin tutush buyruqi chiqarghanliqini bildürüp, “Da'iriler sherqiy türkistanda Uyghurlarni keng-kölemde tutqun qilishni bashliwetti. Dunya jama'etchiliki elwette bu ehwalgha diqqet qilishi, xitay da'irilirige bésim ishlitip, xitay hökümitining Uyghurlarni tutqun qilishtek chektin ashqan herikitini toxtitishqa dewet qilishi kérek!” dédi.

Bügün xitaydiki ammiwi tor békiti sinna toridimu bu xewer delillendi. Sinna tori xewiride xewer menbesining xongkongdiki “Besh künlük xewerler géziti” din élin'ghanliqi izahlinip, da'irilerning turpan wilayiti tewesidiki mehelle- koylargha 78 neper Uyghurning 28-öktebir tyen'enmin weqesidiki gumandarlar ikenliki heqqide uqturush chaplap, ularni tutush buyruqi chiqarghanliqini xewer qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.