Dunya Uyghur qurultiyi xitay hökümitini Uyghurlargha qaratqan siyasitini derhal özgertishke chaqirdi

Muxbirimiz irade
2014-05-22
Élxet
Pikir
Share
Print

22-May ürümchide aptomobil bilen partlitish weqesi yüz bergendin kéyin xitay dölet rehberliri "Térrorluqqa qattiq zerbe bérish" ke qesem qildi. Emma dunya Uyghur qurultiyi xitay hökümitini agahlandurup, ularni Uyghurlargha qaratqan siyasitini derhal özgertishke chaqirdi.

Dunya Uyghur qurultiyining bayanatchisi dilshat rishit bügün istansimizgha we shundaqla xelq'ara metbu'atlargha bergen bayanatida, bu xildiki weqelerning kélip chiqishigha xitay hökümitining rayondiki chékidin ashqan zulumi we kemsitish siyasiti seweb boluwatqanliqini eskertti. U xitay hökümitining weqeni bahane qilip turup, téximu köp kishilerni tutqun qilip, Uyghurlar üstidiki bisimni téximu kücheytiwétishidin endishe qiliwatqanliqini bildürüp, "Biz xitay hökümitini ürümchidiki partlash weqesini bésim siyasitini kücheytidighan bahanige aylandurushning ornigha, Uyghurlargha qaratqan siyasitini yaxshilap, weziyetni onglashqa tirishishqa, mesilini tüptin hel qilish yolini tallashqa dewet qilimiz" dédi.

Dilshat rishit sözi dawamida yene, hazir xitay tor betliride Uyghurlargha qaritilghan kemsitish we tehdit xaraktérlik pikirlerning qattiq yamrap ketkenlikini, emma intérnéttiki hemme yazmini süzgüchtin ötküzidighan xitay tarmaqlirining bolsa Uyghurlar nishan qilin'ghan bu xildiki yazmilargha qesten köz yumuwatqanliqini bildürdi. U, dunya Uyghur qurultiyining hazir Uyghurlarning bixeterlikidin endishe qiliwatqanliqini bildürdi we xelq'ara jama'etni mesilige diqqet qilishqa chaqirdi.

Toluq bet