D u q xelqara olimpik komitétini olimpik nizamnamisigha xilapliq qilish bilen eyiblidi

Muxbirimiz erkin
2021-03-05
Share

Dunya Uyghur qurultiyi xelq'ara olimpik komitétining olimpik nizamnamisigha xilapliq qilghanliqini eyibligen, shundaqla ularning 2022-yilliq qishliq olimpikni béyjingda ötküzmeslik toghrisidiki erz xétini olimpik exlaq komitétining re'isi ban ki munning shexsen özi körüp chiqishini telep qilghan. Dunya Uyghur qurultiyining bu chaqiriqi Uyghurlargha "Irqiy qirghinchiliq" yürgüziwatqan xitaydek bir dölette olimpik ötküzüsh xelq'arada küchlük qarshiliqqa uchrawatqan bir mezgilde élan qilindi.

Dunya uygur qurultiyi ötken yili 8-ayda xelq'ara olimpik komitétigha xet yézip, 2022-yilliq qishliq olimpikni béyjingda ötküzmeslikni, xitayning Uyghurlargha qarita "Insaniyetke qarshi jinayet" sadir qilghanliqigha a'it delil-ispatlar barliqini körsetken. D u j ning 5-féwral élan qilghan bayanatida éytishiche, xelqara olimpik komitéti ularning erzige toghra mu'amile qilmighan bolup, ular bu yil 26-féwral olimpik exlaq komitétining re'isi ban ki mun'gha xet yazghan.

Ular xétide xitayning "Irqiy qirghinchiliq we insaniyetke qarshi jinayet sadir qilghanliqi deliller bilen ispatlan'ghandin kéyinmu, xelq'ara olimpik komitétining 2022-yilliq qishliq olimpikni béyjingda ötküzüshni qayta oylashmay, olimpik nizamnamisigha xilapliq qilghanliqi", ularning erz xétini ban ki munning shexsen özi körüp chiqishini telep qilidighanliqini bildürgen.

Dunya Uyghur qurultiyi bayanatida "Biz ban ki mun ependining erzni shexsen özi körüp chiqishqa yaki yéngi exlaq-erziyet xadimi teyinlep, buni muwapiq shekilde körüp chiqishqa chaqirimiz," dégen. Biraq roytérs agéntliqining éytishiche, xelq'ara olimpik komitéti hazirgha qeder d u q ning chaqiriqigha inkas qayturup baqmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet