D u q kishilik hoquq mesililiri boyiche terbiyilesh kursi achidu

Muxbirimiz irade
2017.10.05

Dunya Uyghur qurultiyi mushu ayning 13-künidin 15-künigiche “Uyghur kishilik hoquq mesililiri boyiche terbiyilesh kursi” achidiken.

Dunya Uyghur qurultiyi bügün bu heqte élan qilghan bayanattin qarighanda, bu kurs merkizi gérmaniyediki wakaletsiz milletler teshkilati - UNPO hem shundaqla shiwétsiyediki Uyghur ma'arip birleshmisi qatarliq orunlarning hemkarlishishi bilen échilidighan bolup, kursning orni shiwétsiye paytexti sitokholmda békitilgen.

Kursqa 50 tin artuq Uyghur qatnishidighan bolup, kursta ularning Uyghur kishilik hoquq mesilisi boyiche pa'aliyet élip bérish, uni yerlik we xelq'ara sehnide tonutush iqtidari ashurulush bilen birge, kursantlarning ijtima'iy alaqe wasitilirini qollinish arqiliq Uyghur mesilisini tonutush boyiche ders bérilidiken.

Dunya Uyghur qurultiyi bu kursni bir qanche yildin béri dawam qiliwatqan bolup, bu dunyaning herqaysi jayliridiki Uyghur yashlarni Uyghur dawasigha qiziqturush we ularning öz-ara uchriship, tejribe almashturushigha yaxshi purset bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.