Sabiq nazir ekber ghopur qolgha élindi
2020.04.01
Uyghur diyarida téxiche dawam qiliwatqan zor tutqunda Uyghur aptonom rayonluq déhqanchiliq nazaritining sabiq naziri ekber ghopurning qolgha élin'ghanliqi melum boldi.
“Jenubiy xitay etigenlik géziti” ning 1-apirildiki xewiride éytilishiche, 2017-yili yanwarda pénsiyige chiqqan ekber ghopur 2019-yili “Qosh tekshürüsh” ke élip kétilgen bolup, shu waqitta uning parixorluq qilmishigha chétishliq ikenliki éytilghan idi.
Melum bolushiche, ekber ghopur déhqanchiliq nazaritige nazir bolushtin ilgiri her derijilik rehbiriy wezipide bolghan bolup, 2013-yilidin taki pénsiyige chiqqan'gha qeder nazirliq wezipisini ötigen iken.
Uyghur diyaridiki siyasiy basturushta Uyghur serxilliri bilen birlikte Uyghurlardin yétiship chiqqan her derijilik emeldarlarmu köplep tutqun qilin'ghan. Buningdin ilgiri sabiq re'is nur bekri, Uyghur aptonom rayonluq xelq qurultiyining mu'awin bash katipi enwer tursun qatarliqlarmu bir-birlep mollaq atqan idi.