Uyghur diyaridiki emalardin xitay ortaq tili boyiche tunji meydan imtihan élin'ghan

Muxbirimiz shöhret hoshur
2018-06-13
Élxet
Pikir
Share
Print

"Shinjang géziti" ning xewer qilishiche, tünügün ürümchidiki emalar mektipide "Putongxu'a", yeni xitay ortaq tili boyiche bir meydan imtihan élin'ghan we layaqetlik bolghanlargha guwahname tarqitip bérilgen.

Imtihan'gha Uyghur aptonom rayonining herqaysi jayliridin kelgen 60 tin artuq ema kishi qatnashqan. Xewerde imtihan'gha qatnashqanlarning millet terkibi tilgha élinmighan. Xewerde yene emalargha qoyulghan xitay ortaq tili layaqetlik ölchem telipining nöwette Uyghurlargha téngiliwatqan dölet tilini bilish telipi bilen oxshash bir siyaset yaki emesliki heqqide chüshenche bérilmigen.

Radiyomiz Uyghur élidiki "Yighiwélish lagérliri" heqqide igiligen uchurlirida barliq lagérlarda xitay dölet tili ögitiliwatqanliqi we bu öginishni sawatsizlarghimu téngiwatqanliqi ashkarilan'ghan idi. Ötken yili yekende xitayche dölet shé'irini yadlap bolalmighan tursun isimlik bir kishi yéza kadirlirining til-haqaritige berdashliq bérilmey ésilip ölüwalghan idi.

"Shinjang géziti" ning mezkur xewiride déyilishiche, Uyghur aptonom rayonluq méyipler birleshmisining bashliqi reyhan hésamidin emalargha qaritilghan xitay ortaq til layaqet ölchimining emalarni ijtima'iy pa'aliyetlerge qatnashturushni meqset qilidighanliqini tekitligen. Ghulja nahiyesining "Yighiwélish lagéri" diki bir kadirmu lagérda dölet tili ögitishning jem'iyette ishsizliqni azaytish üchün ikenlikini ilgiri sürgen idi.

Toluq bet