Xelq'ara emgek teshkilati Uyghur rayonidiki mejburiy emgek toghrisida agahlandurdi

Muxbirimiz erkin
2022.09.13
Share on WhatsApp
Share on WhatsApp

Xelq'ara emgek teshkilati 13-séntebir küni yersharidiki zamaniwi qullar emgikining yüzlinishi heqqide doklat élan qilip, Uyghur mejburiy emgiki mesilisini tilgha alghan, shundaqla xitayning mejburiy emgekni cheklesh ehdinamilirige imza qoyghan dölet süpitide uninggha emel qilish mejburiyiti barliqini tekitligen.

“Zamaniwi qulluq toghrisida yershari mölcherler: mejburiy emgek we mejburiy nikahlandurush” namliq doklatta tekitlinishiche, nöwette dunya miqyasida 50 milyon adem qullar emgikining her xil zamaniwiy shekillirige mehkum bolghan bolup, bularning 28 milyoni mejburiy emgekning, 22 milyoni mejburiy nikahlandurushning qurbani iken.

Doklatta, xelq'ara emgek teshkilati, b d t kishilik hoquq aliy komissari we b d t ning zamaniwi qullar emgikini tekshürüshke mes'ul alahide tekshürgüchisining Uyghur mejburiy emgikige bolghan endishilirini otturigha qoyghanliqi, xitayning pilani namratliqtin qutquzush namida radikalliqning aldini élishqa munasiwetlik ikenlikini, kishilik hoquq aliy komissarining doklatida, Uyghur we bashqa musulman xelqlerning mejburiy ishlitilgenliki qeyt qilin'ghanliqi, buning kespiy maharet merkezlirige orunlashturush we “Éshincha emgek küchliri” ni “Yötkep ishqa orunlashturush” sheklide élip bérilghanliqi'i bildürülgen.

Doklatta yene xitayning bu yil 8-ayda xelq'ara emgek teshkilatining mejburiy emgekni chekleshke a'it ikki muhim höjjitige imza qoyghanliqi bildürülüp, bu höjjetlerde eza döletlerning “Herqandaq shekildiki mejburiy emgek we mejburlash xaraktérlik emgekke sélishni chekli'ishi” telep qilinidighanliqi tekitlen'gen.

Xelq'ara emgek teshkilati bu yilning bashlirida élan qilghan Uyghurlar toghrisidiki doklatida, xitayning Uyghurlarni mejburiy emgekke séliwatqanliqini étirap qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.