En'giliye metbu'atida Uyghurlarning basturuliwatqanliqi xewer qilindi

Muxbirimiz méhriban
2013.09.03


En'giliye “Sandey taymis géziti” ( “Yekshenbetaymis”) ning 1 - séntebir élan qilghan “Alahide saqchilar tik uchar arqiliq Uyghur yashlirini basturmaqta” serlewhilik xewer analizida, xitay da'irilirining yéqinqi 3 aydin buyan Uyghur rayonida élip bériliwatqan basturushi heqqide mulahize élip bérilghan.

Maqalide xitayning hökümet metbu'atliri, xongkong metbu'atliri, erkin asiya radi'osi we chet'ellerdiki Uyghur teshkilatlirining yéqinqi xewerliride bérilgen sanliq melumatlar neqil élinip, yéqinqi üch aydin buyan “Rayonda az dégendimu 200 kishining ölgenliki” ilgiri sürülgen.

Maqalide erkin asiya radi'osining xewiridin neqil élip, “Xitay alahide saqchiliri 20 - awghust küni tik ucharda charlash arqiliq, qeshqer qaghiliq nahiyisi yilqichi yézisidiki bir öyge hujum qilip, u yerdiki Uyghur yashlirini oqqa tutup 22 kishini öltürdi,4 kishini qolgha aldi”déyilgen.

Maqalide yene lükchün weqesi we xoten xan ériq weqelirimu tilgha élinip,“26 - Aprél lükchün weqeside 35 - tin 46 ghiche adem öldi. 28 - Iyun xoten xan'ériq weqeside, namazdin yan'ghan 400 ge yéqin Uyghur jama'itining xitay saqchiliri teripidin oqqa tutilip,60 tin 100 giche ademning ölgen bolishi mümkinlikini xongkong metbu'atliri xewer qildi” dégen bayanlar bérildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.