En'gliye parlamént ezaliri xitayni bir dölette ikki xil tüzüm wedisige emel qilishqa chaqirdi

Muxbirimiz shöhret hoshur
2016-01-26
Share

Xongkongda ziyarette boluwatqan en'gliye parlaméntining xitay ishliri komitéti wekiller guruppisi ghayib kitab sodigiri li boning aqiwitining hazirghiche éniqsizliqidin en'gliyening endishe ichide ikenlikini bayan qildi.

Melum bolushiche, ötken yil 30 ‏-dékabirdin buyan iz-dériki bolmaywatqan xongkongluq kitab sodigiri li bo en'gliye wetendishi. Mezkur wekiller ömiki li bo heqqidiki sözide mundaq dégen: "Biz bir en'gliye puqrasi üstide toxtiliwatimiz, qanun-tüzüm, shundaqla xongkongning erkinliki, en'gliyening bular toghrisida söz qilish heqqi bar, shunga heqliq halda bu weqege qarita endishimizni bildürüwatimiz."

Amérika awazining bügünki bu heqtiki xewiride bayan qilinishiche, li boning ghayib bolush weqesining téxiche aydinglashmasliqini "Hemme terepke ziyanliq, ehwal qanche baldur aydinglashsa, tereplerge shunche paydiliq" dégen wekiller, qanun boyiche xitay chong quruqluqidiki qanun ijra qilghuchilarning xongkongda wezipe ijra qilish hoquqi yoqluqini eskertken we xitay terepni bir dölette ikki xil tüzüm wedisige emel qilishqa dewet qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet