Әнглийә ташқи ишлар министири: “юқумдин кейин хитай билән болған мунасивәт адәттикидәк болмайду”

Мухбиримиз әркин
2020-04-17
Share

Әнглийә ташқи ишлар министири доминик рааб корона вируси юқумидин кейин хитай билән болған мунасивәтләрниң адәттикидәк болмайдиғанлиқини билдүргән. Униң тәкитлишичә, “хитай корона вирусиниң қандақ тарқалғанлиқи, униң алдини елиш мумкинчилики бар-йоқлуқиға даир қийин соалларға җаваб бериши керәк” икән. Доминик рааб бу сөзләрни 16-апрел довниң кочисидики баш министирлиқ мәһкимисидә өткүзүлгән ахбарат йиғинида тәкитлигән.

Ройтерс агентлиқиниң хәвәр қилишичә, доминик рааб хитай билән қандақ һесаблишидиғанлиқи һәққидики бир соалға җаваб берип: “шүбһисизки, бу кризистин кейин биз адәттикидәк мунасивәт қилалмаймиз. Биз бу вирусниң қандақ тарқалғанлиқи, уни қандақ қилип балдуррақ тохтатқили болидиғанлиқи һәққидә қийин соалларни соришимиз керәк”, дегән. Доминик рааб, бу сөзләрни хитай һөкүмити корона вирусиниң хитайдин тарқалғанлиқини рәт қилсиму, лекин вирусниң вухән вирус тәтқиқат орнидин таралғанлиқиға даир дәлилләр оттуриға чиқишқа башлиған мәзгилдә қилди.

“вашингтон почтиси” гезитиниң хәвәр қилишичә, америка дипломатлири 2018-йили вухән вирус тәтқиқат орнини тәкшүрүп, вашингтонға йоллиған доклатида, вухән вирус тәтқиқат орниниң корона вирусини тәтқиқ қиливатқанлиқи, бу вирусниң хәтәрлик икәнлики шундақла мәзкур тәтқиқат орниниң бихәтәрлик тәдбирлиридә чатақ барлиқини агаһландурғаникән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт