En'gliye tashqi ishlar ministiri: "Yuqumdin kéyin xitay bilen bolghan munasiwet adettikidek bolmaydu"

Muxbirimiz erkin
2020-04-17
Share

En'gliye tashqi ishlar ministiri dominik ra'ab korona wirusi yuqumidin kéyin xitay bilen bolghan munasiwetlerning adettikidek bolmaydighanliqini bildürgen. Uning tekitlishiche, "Xitay korona wirusining qandaq tarqalghanliqi, uning aldini élish mumkinchiliki bar-yoqluqigha da'ir qiyin so'allargha jawab bérishi kérek" iken. Dominik ra'ab bu sözlerni 16-aprél downing kochisidiki bash ministirliq mehkimiside ötküzülgen axbarat yighinida tekitligen.

Roytérs agéntliqining xewer qilishiche, dominik ra'ab xitay bilen qandaq hésablishidighanliqi heqqidiki bir so'algha jawab bérip: "Shübhisizki, bu krizistin kéyin biz adettikidek munasiwet qilalmaymiz. Biz bu wirusning qandaq tarqalghanliqi, uni qandaq qilip baldurraq toxtatqili bolidighanliqi heqqide qiyin so'allarni sorishimiz kérek", dégen. Dominik ra'ab, bu sözlerni xitay hökümiti korona wirusining xitaydin tarqalghanliqini ret qilsimu, lékin wirusning wuxen wirus tetqiqat ornidin taralghanliqigha da'ir deliller otturigha chiqishqa bashlighan mezgilde qildi.

"Washin'gton pochtisi" gézitining xewer qilishiche, amérika diplomatliri 2018-yili wuxen wirus tetqiqat ornini tekshürüp, washin'gton'gha yollighan doklatida, wuxen wirus tetqiqat ornining korona wirusini tetqiq qiliwatqanliqi, bu wirusning xeterlik ikenliki shundaqla mezkur tetqiqat ornining bixeterlik tedbirliride chataq barliqini agahlandurghaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet