En'gliye xitayning xu'awéy shirkitini chekligenlikini jakarlidi

Muxbirimiz irade
2020-07-14
Share

14-Iyul seyshenbe küni, en'gliye hökümiti xitayning xu'awéy shirkitini chekligenlikini resmiy jakarlidi.

CNN Téléwiziyesining bu heqtiki xewiride éytilishiche, en'gliye téxi bu yil 1-ayda xu'awéy téxnika shirkitining döletning derijidin tashqiri téz simsiz ul eslihe qurulushida cheklik derijide rol oynishigha yol qoyghan. Biraq uning bu qararidin biraqla waz kéchishi küchlük diqqet qozghidi.

En'gliye hökümiti bu seweblik BTGOF we Vodafone qatarliq alaqe shirketlirige mewjut bolghan xu'awéy üskünilirini 5G toridin chiqiriwétishi üchün 2027-yilghiche möhlet bergen.

Melum bolushiche, en'gliyening digital we medeniyet ministiri oliwér dowdén bu heqtiki bayanatida amérikaning bu yil 5-ayda xu'awéy shirkitige yürgüzgen jazasining en'gliyening bundaq qarar élishigha tesiri chong bolghanliqini, bu jaza bilen peyda bolghan éniqsizliq tüpeylidin en'gliyening emdi xu'awéy shirkitining bixeterlikige ishench qilalmaydighanliqini éytqan.

Bu qarar en'gliyede 20 yildin béri tijaret qiliwatqan xu'awéy üchün zor zerbe bolup hésablinidiken. Yawropa bu shirketning muhim baziri bolup, bulturqi sétish sommisining 24 pirsentini yawropa igileydiken. Xu'awéy shirkiti en'gliyening qararidin tolimu epsuslan'ghanliqini bildürgen.

CNN Téléwiziyesining xewiride éytishiche, bu qarar tramp hökümitining zor ghelibisi iken. Chünki amérika tramp hökümiti yéqinqi aylardin buyan gherbtiki ittipaqdash döletlerni xitaydek nazaret dölitige tewe bolghan xu'awéy shirkitini 5G tor sistémisigha kirgüzüsh amérika we yawropaning bixeterlikige zor tehdit, dep agahlandurup kelgen.

Xitay hökümiti en'gliye bu heqtiki qararini jakarlashtin burunla en'gliyeni xu'awéyni chekligen teqdirde aqiwitining yaxshi bolmaydighanliqi heqqide agahlandurup kéliwatatti. Shunga en'gliyening bu qararining xitayni qattiq narazi qilidighanliqi mölcherlenmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet