En'gliye bash wezirining sabiq meslihetchisi: shi jinpingni kütüsh “Döletning ar-nomusi”

Muxbirimiz jüme
2015.10.21
Share on WhatsApp
Share on WhatsApp

Xitay re'isi shi jinpingning en'gliye ziyaritini tenqid qilghan bash wezir deywid kaméronning sabiq istratégiye meslihetchisi stéw hilton bir kommunist rehbirining en'gliyede méhman qilinishi “En'gliyening ar-nomusi” ikenlikni bildürdi.

Xitay re'isi shi jinping 20- öktebirdin buyan en'gliyede 4 künlük resmiy ziyaritini bashlighan. Uni bügün en'gliye xanishi bukkinxam sariyida dölet ziyapiti bérip kütüwalghan.

Uningdin bashqa, en'gliye bash weziri deywid kaméron xitay re'isi shi jinping bilen körüshkendin kéyin, ikki terep yadro éliktur istansisi we intérnét hujumliri mesilige alaqidar kélishimlerni hasil qilghan.

“Gardiyan” (hamiy) gézitide neqil qilishiche, shi jinpingning en'gliyede shahane murasimlar bilen kütüwélishni eyibligen sabiq meslihetchi stéw hilton mundaq dégen: bu en'gliye 1970-yilliri xelq'ara maliye fondidin qerz tilep barghandin buyanqi eng chong nomusluq ish boldi. Emeliyette xitay, rusiye we iran'gha oxshashla bir öktem dölet. Men ulargha qarishi turushning ornigha ularning qoynigha özimizni atqanliqimizni qet'iy chüshinelmey qaldim.

Hilton ependim 2012-yili kaméronning yénidiki wezipidin istépa bérip, kaliforniyediki stanford uniwérsitétida oqutquchiliq qilishni bashlighan idi.

Uning körsitishiche yene, en'gliye esli xitayning astigha qiz zilchilarni salghanning ornigha, ulargha émbargo qoyushini bekrek oylishishi kérek iken.

Xewerlerge qarighanda, shi jinpingning bu nöwetlik en'gliye ziyariti jeryanida ikki terep en'gliyede yasilidighan hinkléy po'int yadro éliktur istansisi qurulushni xitaygha höddige bérish qatarliq 62 milyard dollar qimmitidiki iqtisadiy kélishimlerni hasil qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.