Әнглийә ташқи ишлар вәзири хитайни полат ишләпчиқиришни азайтишқа дәвәт қилған

Мухбиримиз җүмә
2016-04-09
Share

Хитайда зиярәттә болуватқан әнглийә ташқи ишлар вәзири филип хаммонд хитайни әнглийә полат завутлирини қутулдуруш үчүн хитайдики полат ишләпчиқиришни азайтишқа дәвәт қилған.

Филип хаммонд хоңкоңдики зияритини аяғлаштуруруп шәнбә күни хитайға кәлгән вә хитай ташқи ишлар министири ваң йи билән көрүшкән. У, әнглийәниң полат завутлири һәққидики пикирлирини ваң йи билән көрүшкәндә оттуриға қойған.

Хаммонд бейҗиңда мухбирларға мундақ дегән: «мән хитайни полат ишләп чиқириш миқдарини кемәйтиш қәдимини тезлитишкә чақиридим. Әнглийә диққтини порт талбот вә әнглийәниң һәр қайси җайлиридики полат санаитиниң кәлгүсини капаләткә игә қилишқа мәркәзләштүрди.»

У йәнә хитай ширкәтлириниң әнглийә полат саһәсигә мәбләғ селишини күтидиғанлиқини билдүргән.

Өткән һәптә хитайниң явропа полат мәһсулатлириға қоюлидиған баҗни 46 пирсәнт өстүргәнлики оттуриға чиққандин кейин,әнглийәдә мәшғулат қиливатқан тата полат ширкити әнглийәдин чиқип кетидиғанлиқи вә бир қисим завутлирини тақиши мумкинликини билдүргән.

Бу әнглийәниң полат санаити мәркизи порт талбот районида наразилиқ намайишлириға сәвәп болған.

Филип хаммонд җүмә күни хоңкоңда зиярәттә болған вә әнглийәниң хоңкоң аптономийәсини қоғдаш мәсулийити барлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.