En'gliye tashqi ishlar weziri xitayni polat ishlepchiqirishni azaytishqa dewet qilghan

Xitayda ziyarette boluwatqan en'gliye tashqi ishlar weziri filip xammond xitayni en'gliye polat zawutlirini qutuldurush üchün xitaydiki polat ishlepchiqirishni azaytishqa dewet qilghan.

Filip xammond xongkongdiki ziyaritini ayaghlashtururup shenbe küni xitaygha kelgen we xitay tashqi ishlar ministiri wang yi bilen körüshken. U, en'gliyening polat zawutliri heqqidiki pikirlirini wang yi bilen körüshkende otturigha qoyghan.

Xammond béyjingda muxbirlargha mundaq dégen: “Men xitayni polat ishlep chiqirish miqdarini kémeytish qedimini tézlitishke chaqiridim. En'gliye diqqtini port talbot we en'gliyening her qaysi jayliridiki polat sana'itining kelgüsini kapaletke ige qilishqa merkezleshtürdi.”

U yene xitay shirketlirining en'gliye polat sahesige meblegh sélishini kütidighanliqini bildürgen.

Ötken hepte xitayning yawropa polat mehsulatlirigha qoyulidighan bajni 46 pirsent östürgenliki otturigha chiqqandin kéyin,en'gliyede meshghulat qiliwatqan tata polat shirkiti en'gliyedin chiqip kétidighanliqi we bir qisim zawutlirini taqishi mumkinlikini bildürgen.

Bu en'gliyening polat sana'iti merkizi port talbot rayonida naraziliq namayishlirigha sewep bolghan.

Filip xammond jüme küni xongkongda ziyarette bolghan we en'gliyening xongkong aptonomiyesini qoghdash mes'uliyiti barliqini bildürgen idi.