En'gliyening Uyghurlarni basturushqa chétishliq xitay shirkitini körgezmige teklip qilishi tenqidke uchridi

Muxbirimiz erkin
2020-02-17
Share

En'gliye hökümitining Uyghurlarni basturushqa ishtirak qilish bilen eyiblinip kéliwatqan xitay téxnologiye shirkiti‏-xeykang guruhini en'gliyede ötküzülidighan bir körgezmige teklip qilishi tenqidke uchrighan.

"Muhapizetchi" gézitining 17‏-féwraldiki xewiride ashkarilishishiche, en'gliye parlaménti awam palatasining ezasi bab séliy en'gliye ichki ishlar ministirliqining teklipnamisini qayta oyliship körüshini telep qilghan.

Xitayning xeykang shirkiti dunyadiki eng chong közitish eswablirini ishlepchiqirish karxanisi bolup, u xitayning Uyghur aptonom rayonida digital nazaret sistémisi berpa qilip, Uyghurlarni omumyüzlük teqibke élishida téxnika jehettin halqiliq rol oynighan. Shu munasiwet bilen amérika hökümiti ötken yili mezkur shirketni "Qara tizimlik" ke alghan idi. Lékin "Muhapizetchi" gézitining xewiride ashkarilishiche, en'gliye ichki ishlar ministirliqi yéqinda mezkur shirketning bu yil 3‏-ayda en'gliyediki farinboroda échilidighan "Bixeterlik we saqchi soda körgezmisi" ge teklip qilishni qarar qilghan. Lékin awam palata ezasi bab séliy ichki ishlar ministirliqining qararigha naraziliqi bildürüp: "Biz xitay we yuqiri téxnika mesilisige kelgende exlaqi ölchemni qayrip qoymasliqimiz kérek. Eger biz en'gliye qimmet qarshi we ölchimini qoghlashsaq, biz héch bolmighanda izchil körünüshimiz kérek," dégen.

"Muhapizetchi géziti" ning ilgiri sürüshiche, en'gliyening körgezmige xeykang shirkitini teklip qilishi amérika bilen yene bir yéngi ixtilap peyda qilishi mumkin iken. En'gliyening boris jonson hökümiti téxi yéqindila xu'awéy shirkitining en'gliyeni 5G üsküniliri teminlishige yol qoyidighanliqini élan qilip, amérikining naraziliqini qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet