Лиса нәндий: "әнглийә һөкүмити хитай мәблиғидин һошяр болуши лазим!"

Мухбиримиз әзиз
2021-09-28
Share

Хитайниң явропадики иқтисадий тәсириниң бир ипадиси изчил һалда уларниң охшимиған саһәләргә мәбләғ селишида әкс етиватқан болуп, йеқиндин буян буниңға қарши турушниң зөрүрлүки көпләп оттуриға қоюлушқа башлиди.

Ройтерс агентлиқиниң 27-сентәбирдики хәвиридә ейтилишичә, әнглийәдики әң чоң партийәләрниң бири болған әмгәк партийәсиниң ташқи ишларға мәсул секретари лиса нәндий йеқинқи мәхсус зиярәттә бу мәсилини ‍алаһидә тәкитлигән. У җонсон һөкүмитиниң хитай билән болған мунасивәттә изчиллиқни сақлиялмиғанлиқини тәнқидләп; "биз хитайниң әнглийәгә мәбләғ селишини пүтүнләй чәклийәлмәймиз. Әмма уларниң ядро енергийәсигә охшаш ачқучлуқ саһәгә мәбләғ селишидин бәкму һошяр болушимиз, шу арқилиқ дөлитимизниң мәнпәәтини вә бихәтәрликини қоғдишимиз лазим" дегән.

Хәвәрдә ейтилишичә, җонсон һөкүмити дөләтниң бихәтәрликини нәзәрдә тутуп бир қисим хитай мәблиғини, җүмлидин хуавей гуруһиниң телефон мулазимитигә мәбләғ селишини чәклигән. Әмма уйғур дияридики мәҗбурий әмгәккә бағлинишлиқ болған бир қатар мәһсулатларниң импорт қилиниши вә буниңға мунасивәтлик мәбләғ селиш паалийәтлиригә қарита ениқ вә кәскин тәдбир алмиған. Лиса ханим мушу әһвалларни көздә тутуп ядро енергийәси вә уйғурлар мәсилисини алаһидә тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт