Lisa nendiy: "En'gliye hökümiti xitay meblighidin hoshyar bolushi lazim!"

Muxbirimiz eziz
2021-09-28
Share

Xitayning yawropadiki iqtisadiy tesirining bir ipadisi izchil halda ularning oxshimighan sahelerge meblegh sélishida eks étiwatqan bolup, yéqindin buyan buninggha qarshi turushning zörürlüki köplep otturigha qoyulushqa bashlidi.

Roytérs agéntliqining 27-séntebirdiki xewiride éytilishiche, en'gliyediki eng chong partiyelerning biri bolghan emgek partiyesining tashqi ishlargha mes'ul sékrétari lisa nendiy yéqinqi mexsus ziyarette bu mesilini ‍alahide tekitligen. U jonson hökümitining xitay bilen bolghan munasiwette izchilliqni saqliyalmighanliqini tenqidlep; "Biz xitayning en'gliyege meblegh sélishini pütünley chekliyelmeymiz. Emma ularning yadro énérgiyesige oxshash achquchluq sahege meblegh sélishidin bekmu hoshyar bolushimiz, shu arqiliq dölitimizning menpe'etini we bixeterlikini qoghdishimiz lazim" dégen.

Xewerde éytilishiche, jonson hökümiti döletning bixeterlikini nezerde tutup bir qisim xitay meblighini, jümlidin xu'awéy guruhining téléfon mulazimitige meblegh sélishini chekligen. Emma Uyghur diyaridiki mejburiy emgekke baghlinishliq bolghan bir qatar mehsulatlarning import qilinishi we buninggha munasiwetlik meblegh sélish pa'aliyetlirige qarita éniq we keskin tedbir almighan. Lisa xanim mushu ehwallarni közde tutup yadro énérgiyesi we Uyghurlar mesilisini alahide tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet