En'gliye emdi xitayni rusiyege oxshash tehdit dep békitken
2022.10.12
En'gliye hökümiti xitaygha qattiq qol bolush siyasitidin halqip, uni rusiyege oxshash chong tehdit dep békitken.
En'gliyediki “Muhapizetchi” torining xewer bérishiche, en'gliyening sabiq bash weziri bors jonson hökümiti xitayni “Omumyüzlük reqib” dep qarap, uninggha müjmel siyaset qollan'ghan bolsa, yéngi saylan'ghan bash wezir liz tras (Liz Truss) xitaygha téximu keskin we qattiq siyaset qollinish kéreklikini bildürgen.
Xewerde körsitilishiche, en'gliye ukra'inagha hujum qilghan rusiyeni “Eng chong tehdit” dep békitkendin kéyin, xitayning buninggha düshmenliki qozghalghan. En'gliye buni hés qilghan we xitaynimu rusiyege oxshash xeterlik düshmen qatarida körüshke bashlighan. Shi jinpingning mustebit hakimiyitining dawamlishishi en'gliyediki konsérwatiplarning endishisini kücheytken. En'gliye hökümet istixbarati mes'ulining bildürüshiche, xitay sün'iy hemrah arqiliq orun békitish sistémisi we reqemlik pul qatarliq téxnikilarni kontrol qilish hem nazaret qilish iqtidaridin paydilinip dunyagha tehdit peyda qilmaqtiken.
Liz tiras wezipige olturghan deslepki bir nechche heptidila xitaygha taqabil turush siyasitini belgiligen. U mundaq dégen: “Rusiye en'gliye üchün yenila eng chong tehdit, halbuki xitay bizning qimmet qarishimiz we turmushimizgha téximu éghir we uzun muddetlik tehdit séliwatidu”.