Әнглийә уйғур елидә ишләпчиқирилған сағламлиқ мәһсулатлирини чәкләшни ойлашмақта

Мухбиримиз әркин
2022-03-21
Share

Әнглийә парламент әзалири әнглийә һөкүмәт министирлириниң уйғур елидә ишләпчиқирилған сағламлиқ мәһсулатлирини чәклишини тәләп қилған. Әнглийә “муһапизәтчиләр” гезитиниң хәвәр қилишичә, әнглийәниң сағламлиқ вә иҗтимаий күтүнүш қанун лайиһәси мушу айниң ахирлири авам палатасида оттуриға қоюлидикән. Хәвәрдә, қанун лайиһәсидики һөкүмәтниң уйғур елидә ишләпчиқирилған сағламлиқ буюмлирини сетивелишини тохтитишқа аит маддиларға һөкүмәт министирлириниңму “һесдашлиқ” билән қараватқанлиқи тәкитләнгән.

“муһапизәтчи” гезитиниң ейтишичә, бу һәрикәт һөкүмәтниң русийә украинаға таҗавуз қилғандин кейин мустәбит һакимийәтләргә болған позитсийәсини техиму қаттиқлаштурғанлиқиниң тунҗи сигнали икән. Консерватип парламент әзаси лорд бләнкатра тәрипидин сунулған бу лайиһә бу айниң башлири парламент юқири палатаси тәрипидин мақулланған. Консерватипларниң кәң қоллишиға еришкән бу лайиһә башқа партийәләрниңму қоллишиға еришкән. Мәлум болушичә, бу лайиһә авам палатасиға йолланса, 28-мартен башлап музакиригә қоюлуши мумкин икән.

“муһапизәтчи” гезитиниң ейтишичә, мәзкур қанунға түзитиш киргүзүш лайиһәсидә һөкүмәт “җиддий ирқий қирғинчилиқ хәвпи мәвҗут”, дәп қариған районларда ишләпчирилған сағламлиқ буюмлирини чәкләйдикән. Хәвәрдә министирларниң бурун сағламлиқ буюмлири тәминат зәнҗирини көздин кәчүрүшни оттуриға қойған болсиму, бирақ һазир техиму алға илгириләп уйғур елидә ишләпчиқирилған сағламлиқ буюмлирини чәклиши мүмкинликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт