En'gliye Uyghur élide ishlepchiqirilghan saghlamliq mehsulatlirini chekleshni oylashmaqta

Muxbirimiz erkin
2022.03.21
Share on WhatsApp
Share on WhatsApp

En'gliye parlamént ezaliri en'gliye hökümet ministirlirining Uyghur élide ishlepchiqirilghan saghlamliq mehsulatlirini cheklishini telep qilghan. En'gliye “Muhapizetchiler” gézitining xewer qilishiche, en'gliyening saghlamliq we ijtima'iy kütünüsh qanun layihesi mushu ayning axirliri awam palatasida otturigha qoyulidiken. Xewerde, qanun layihesidiki hökümetning Uyghur élide ishlepchiqirilghan saghlamliq buyumlirini sétiwélishini toxtitishqa a'it maddilargha hökümet ministirliriningmu “Hésdashliq” bilen qarawatqanliqi tekitlen'gen.

“Muhapizetchi” gézitining éytishiche, bu heriket hökümetning rusiye ukra'inagha tajawuz qilghandin kéyin mustebit hakimiyetlerge bolghan pozitsiyesini téximu qattiqlashturghanliqining tunji signali iken. Konsérwatip parlamént ezasi lord blenkatra teripidin sunulghan bu layihe bu ayning bashliri parlamént yuqiri palatasi teripidin maqullan'ghan. Konsérwatiplarning keng qollishigha érishken bu layihe bashqa partiyelerningmu qollishigha érishken. Melum bolushiche, bu layihe awam palatasigha yollansa, 28-martén bashlap muzakirige qoyulushi mumkin iken.

“Muhapizetchi” gézitining éytishiche, mezkur qanun'gha tüzitish kirgüzüsh layiheside hökümet “Jiddiy irqiy qirghinchiliq xewpi mewjut”, dep qarighan rayonlarda ishlepchirilghan saghlamliq buyumlirini chekleydiken. Xewerde ministirlarning burun saghlamliq buyumliri teminat zenjirini közdin kechürüshni otturigha qoyghan bolsimu, biraq hazir téximu algha ilgirilep Uyghur élide ishlepchiqirilghan saghlamliq buyumlirini cheklishi mümkinlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet