Әнгилийә парламент әзалири хитайдин қуяш ергийә техникиси киргүзүшниң ирқий қирғинчилиққа һәмдәм болидиғанлиқини агаһландурған

Әнгилийә парламентидики консерватиплар, һөкүмәтниң хитайдин техиму көп қуяш ениргийә техникиси киргүзүш пилани хитайниң уйғур ирқий қирғинчилиқини мәбләғ билән тәминләш хәвпини кәлтүрүп чиқиридиғанлиқини агаһландурған.

Әнгилийә таратқулириниң хәвәр қилишичә, консерватип парламент әзалири баш вәзир борис җонсонниң әнгилийә еһтияҗлиқ болған ениргийәни қуяш енергийәси билән тәминләшни зор дәриҗидә ашуруш арқилиқ қамдаш пилани, хитайниң “ирқий қирғинчилиқи” үстигә қурулған қуяш енергийәси базириға мәбләғ селиш хәвипигә елип бариду, дәп қариған.

Мәлум болушичә, парламент әзалириниң әндишиси хитайниң дуня қуяш ениргийә базиридики монополлуқ орнидин келип чиққан икән. Улар дунядики қуяш ениргийә тахтилириниң йеримини дегүдәк хитай уйғурларға ирқий қирғинчилиқ қиливатиду, дәп әйиблиниватқан уйғур елида илшпчиқирилидиғанлиқини билдүргән. Баш вәзир борис җонсон русийәниң украинаға таҗавуз қилишидин кейин, русийәдин келидиған нефит вә тәбиий газниң орниға қуяш енергийәсидин пайдилинишни күчүйтишкә киришкән.

Әнгилийә парламентиниң бир консерватип әзаси әнгилийәдики “E-хәвәрлири” (Enews) ториға мундақ дегән: “әнгилийә ениргийәгә болған тайинишини русийәдәк бир мустәбиттин хитайдәк йәнә бир мустәбиткә йөткишигә қарап турушқа болмайду. Баш вәзир шуни билиши керәкки, қуяш ениргийә тахтисини сетивелиш ирқий қирғинчилиқ үстигә қурулған бу базарни мәбләғ билән тәминләшниң ғайәт зор хәвипини елип келиду”.

Бу парламент әзасиниң ейтишичә, хитайда ишләпчиқирилған қуяш енигийә тахтилириниң мутләқ көп қисми көмүрни йеқилғу қилған болуп, бу әнгилийәниңму ениргийә җәһәттә карбонға йөткәлгәнликидин дерәк беридикән.