Уйғур ирқий қирғинчилиқини инкар қилған әнгилийәдики ирқчилиққа қарши туруш тәшкилати тәкшүрүлгән

Мухбиримиз әркин
2022-05-16
Share

Әнгилийәдики “көзитиш гурупписи” намлиқ беҗиңпәрәс бир ирқчилиққа қарши туруш тәшкилати уйғур ирқий қирғинчилиқини рәт қилғандин кейин, тәкшүрүлгән. Әнгилийә “телеграф” гезитиниң ашкарлишичә, бейҗиңпәрәс паалийәтлири билән тонулған бу тәшкилат лондон шәһәрлик һөкүмәттин 55 миң доллар ярдәм пули алған икән. Хәвәрдә лондонниң шәһәр башлиқи садиқ ханниң ярдимигә еришкән бу тәшкилатниң бир паалийәттә хоңкоңлиқларға қарши хитай байриқини ләпилдиши вә бүу тәшкилатниң йәнә бир мәсулиниң уйғур ирқий қирғинчилиқини инкар қилишидин кейин, тәкшүрүлгәнликини билдүргән.

Мәлум болушичә, нөвәттә бу тәшкилатниң мәсуллиридин боби чән билән пең хуа тәшкилатниң мутивәлли һәйәтликидин истипа бәргән болуп, бу қарар әнгилийәдики хоңкоң мусапирлириниң “мәмнунийәт” билән қарши елишиға еришкән. Хәвәрдә бо би чәнниң 2019-йили хоңкоңлуқ нахшичи денис хониң лондонда өткүзгән консертида залиниң алдиға берип, хитай байриқини чиқирип ләпилдәткәнлики вә консертқа киргән тамашибинларни “сүвәрәк” дәп тиллиғанлиқи тәкитләнгән. “телеграф” гезитиниң хәвиридә ейтишичә, бу тәшкилатниң мутивәлли һәйәтлиридин пең хуа мақалә елан қилип, хитайниң уйғурларға йүргүзиватқан зиянкәшликлириниң һәқиқәт икәнликигә соал қойған, шундақла у йәнә хоңкоңда кишилик һоқуқниң бастурулушини қоллиған икән.

Хәвәрдә 1990-йиллардин бери әнгилийәдики ирқичилиққа қарши туруш һәрикәтлиридә йетәкчилик рол ойнап кәлгән “көзитиш гурупписи” ниң җосеф ровнтри хәйр-сахавәт фонди, җорҗи соросниң очуқ җәмийәт қатарлиқ асаслиқ сахавәт фондилиридин көрүнәрлик миқдарда иқтисадий ярдәмгә еришип кәлгәнлики тәкитләнгән. “телерграф” гезитиниң ейтишичә, лондон шәһәр башлиқи садиқ ханниң ишханиси нөвәттә бу тәшкилатниң паалийити вә “униң юқири дәриҗилик вәкиллири” ниң тәкшүрүливатқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт