Әнгилийәдики бир кишилик һоқуқ тәшкилати уйғурлар үчүн мәхсус қолланма түзүп тарқатқан

Мухбиримиз әркин
2022.06.13
Share on WhatsApp
Share on WhatsApp

Әнгилийәдики бир кишилик һоқуқ тәшкилати әнгилийәдә түрлүк хрислар вә қийинчилиқларға дуч келиватқан уйғурлар үчүн, инглиз вә уйғур тиллирида мәхсус қолланма түзүп тарқатқан. Әнгилийәдики “һәқ-һоқуқ әмәлийити” намлиқ бу тәшкилат “һәқ вә адаләт” намлиқ йәнә бир гуруппа билән һәмкарлишип түзгән бу әмәлий қолланма, әнгилийәдики уйғурлар дуч келиватқан әндишиләр вә уларниң еһтияҗлирини һәл қилишни мәқсәт қилған икән. “һәқ-һоқуқ әмәлийити” тәшкилати елан қилған бу һәқтики учурида, сәккиз баптин тәшкил тапқан мәзкур әмәлий қолланминиң уйғурларниң әнгилийәдики һәқ-һоқуқлирини, шундақла алақидар хитай қанунлирини техиму яхши чүшүнишигә ярдими тегишини үмид қилидиғанлиқи тәкитләнгән.

Учурда йәнә “бу қолланминиң уйғурлар билән һәмкарлашқан тәшкилатларниң уларниң әндишилирини техиму яхши чүшинишигә ярдими тегишини үмид қилимиз” дейлгән. Мәлум болушичә, бу қолланмида уйғурларниң панаһлиқ тиләш, аилә әзалири билән җәм болуш, исим ‍өзгәртиш, екиспилататсийәниң алдини елиш, адвокат тепиштин тартип, учур бихәтәрлики, банка мулазимити, кәмситиштин сақлиниш, маарип һоқуқи, сақчилар билән алақә қилиш, хизмәт тепиш, аяллар вә қизларниң һоқуқи, паракәндичиликкә инкас қайтуруш, роһий сағламлиқ, туралғу мәсилисигичә болған нурғун конкирет мәсилиләргә чүшәнчә берилгән.

Қолланмида мундақ дейилгән: “2017-йилдин башлап, хәлқара җәмийәт хитайниң ‍уйғур дияридики уйғур вә башқа түркий милләтләргә қаратқан кәң көләмдә халиғанчә тутуп туруш, қийнаш вә назарәт қилиш қилмишлирини тонуп йәтти. Йүзмиңлиған уйғур аилири ‍өй-маканлиридин айриливетилди. Уйғур мәдәнийити вә динй етиқади һуҗумға учрап, мәсчит вә мазаралири вәйран қилинди. Чәт әлдә яшайдиған нурғун уйғурлар вәтән ичидики туғқанлири билән алқилишалмиди яки улар билән әркин алақә қилалмайду. Бу қолланминиң мәзмуни бизниң хитай вә хәлқара қанун һәққидики мол тәҗрибилиримиз, шундақла муһаҗирәттики уйғурлар билән болған сөһбәтләргә асас тәйярланған… бу қолланминиң сизниң әнгилийәдики һоқуқиңизни, шундақла хитайниң мунасивәтлик қанунлирини техиму яхши чүшинишиңизгә ярдәм қилишини үмид қилимиз.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт