En'giliyediki bir kishilik hoquq teshkilati Uyghurlar üchün mexsus qollanma tüzüp tarqatqan

Muxbirimiz erkin
2022.06.13
Share on WhatsApp
Share on WhatsApp

En'giliyediki bir kishilik hoquq teshkilati en'giliyede türlük xrislar we qiyinchiliqlargha duch kéliwatqan Uyghurlar üchün, in'gliz we Uyghur tillirida mexsus qollanma tüzüp tarqatqan. En'giliyediki “Heq-hoquq emeliyiti” namliq bu teshkilat “Heq we adalet” namliq yene bir guruppa bilen hemkarliship tüzgen bu emeliy qollanma, en'giliyediki Uyghurlar duch kéliwatqan endishiler we ularning éhtiyajlirini hel qilishni meqset qilghan iken. “Heq-hoquq emeliyiti” teshkilati élan qilghan bu heqtiki uchurida, sekkiz baptin teshkil tapqan mezkur emeliy qollanmining Uyghurlarning en'giliyediki heq-hoquqlirini, shundaqla alaqidar xitay qanunlirini téximu yaxshi chüshünishige yardimi tégishini ümid qilidighanliqi tekitlen'gen.

Uchurda yene “Bu qollanmining Uyghurlar bilen hemkarlashqan teshkilatlarning ularning endishilirini téximu yaxshi chüshinishige yardimi tégishini ümid qilimiz” déylgen. Melum bolushiche, bu qollanmida Uyghurlarning panahliq tilesh, a'ile ezaliri bilen jem bolush, isim ‍özgertish, ékispilatatsiyening aldini élish, adwokat tépishtin tartip, uchur bixeterliki, banka mulazimiti, kemsitishtin saqlinish, ma'arip hoquqi, saqchilar bilen alaqe qilish, xizmet tépish, ayallar we qizlarning hoquqi, parakendichilikke inkas qayturush, rohiy saghlamliq, turalghu mesilisigiche bolghan nurghun konkirét mesililerge chüshenche bérilgen.

Qollanmida mundaq déyilgen: “2017-Yildin bashlap, xelq'ara jem'iyet xitayning ‍uyghur diyaridiki Uyghur we bashqa türkiy milletlerge qaratqan keng kölemde xalighanche tutup turush, qiynash we nazaret qilish qilmishlirini tonup yetti. Yüzminglighan Uyghur a'iliri ‍öy-makanliridin ayriliwétildi. Uyghur medeniyiti we diny étiqadi hujumgha uchrap, meschit we mazaraliri weyran qilindi. Chet elde yashaydighan nurghun Uyghurlar weten ichidiki tughqanliri bilen alqilishalmidi yaki ular bilen erkin alaqe qilalmaydu. Bu qollanmining mezmuni bizning xitay we xelq'ara qanun heqqidiki mol tejribilirimiz, shundaqla muhajirettiki Uyghurlar bilen bolghan söhbetlerge asas teyyarlan'ghan… bu qollanmining sizning en'giliyediki hoquqingizni, shundaqla xitayning munasiwetlik qanunlirini téximu yaxshi chüshinishingizge yardem qilishini ümid qilimiz.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.