Әнгилийә парламент әзси "шинҗаң ширкәтлириниң теббий буюмлирини сетивалмаслиқ" ни тәләп қилған

Мухбиримиз әркин
2021-08-23
Share

Әнгилийәниң ишчилар партийәсидин болған парламент әзаси әмили торенбәрий әнгилийәниң теббий буюмларни сетивелишта хитайниң шинҗаң ширкәтлиригә заказ бериштин һәзәр әйләшни тәләп қилған. Әнгилийә "муһапизәтчи" гезитиниң хәвәр қилишичә, торенбәрий ханим әнгилийә сәһийә министири саҗит җавидқа хәт йезип, уни бу тоғрисида агаһландурған.

У әнгилийәниң маска, халат қатарлиқларни өз ичигә алған 5 милярд долларлиқ теббий буюми сетивелиш йеңи тохтаминиң уйғур елидә мәҗбурий әмгәк билән шуғуллинидиған хитай ширкәтлиригә берилмәсликигә капаләтлик қилишни тәләп қилған.

Торенбәрий хетидә мундақ дегән: "сизниңму хәвириңиз болғандәк, йеқинқи йилларда шинҗаң райондики завут, деһқанчилиқ мәйданлири, түрмә-лагерлирида хитайниң уйғурларни кәң көләмлик вә системилиқ мәҗбурий әмгәккә салғанлиқи, шундақла уйғурларни хитай дөлитиниң аталмиш ‹әмгәк күчлирини йөткәш' программиси намида башқа районларға йөткәп, мушуниңға охшаш ишларда ишләткәнликигә аит пакитлар оттуриға чиқти."

Торенбәрий йәнә саҗид җавидниң әнглийә илгири тохтамлашқан теббий буюмларниң мәҗбурий әмгәккә четишлиқ икәнликигә даир хәвәрләргә җиддий инкас қайтурушини, вақитниң қистап келиватқанлиқини әскәртип: "сизниң мәҗбурий әмгәк мәсилисини қандақ һәл қилишиңизға пәқәт бир һәптидин көпрәк вақтиңиз қалди," дегән. Әнглийә һөкүмити хитайниң уйғурларни дәпсәндә қиливатқанлиқини тәнқид қилған болсиму, бирақ "конкрет тәдбир қолланмиди" дәп тәнқидлинип кәлмәктә

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт