En'giliye parlamént ezsi “Shinjang shirketlirining tébbiy buyumlirini sétiwalmasliq” ni telep qilghan

Muxbirimiz erkin
2021.08.23

En'giliyening ishchilar partiyesidin bolghan parlamént ezasi emili torénberiy en'giliyening tébbiy buyumlarni sétiwélishta xitayning shinjang shirketlirige zakaz bérishtin hezer eyleshni telep qilghan. En'giliye “Muhapizetchi” gézitining xewer qilishiche, torénberiy xanim en'giliye sehiye ministiri sajit jawidqa xet yézip, uni bu toghrisida agahlandurghan.

U en'giliyening maska, xalat qatarliqlarni öz ichige alghan 5 milyard dollarliq tébbiy buyumi sétiwélish yéngi toxtamining Uyghur élide mejburiy emgek bilen shughullinidighan xitay shirketlirige bérilmeslikige kapaletlik qilishni telep qilghan.

Torénberiy xétide mundaq dégen: “Sizningmu xewiringiz bolghandek, yéqinqi yillarda shinjang rayondiki zawut, déhqanchiliq meydanliri, türme-lagérlirida xitayning Uyghurlarni keng kölemlik we sistémiliq mejburiy emgekke salghanliqi, shundaqla Uyghurlarni xitay dölitining atalmish ‛emgek küchlirini yötkesh‚ programmisi namida bashqa rayonlargha yötkep, mushuninggha oxshash ishlarda ishletkenlikige a'it pakitlar otturigha chiqti.”

Torénberiy yene sajid jawidning en'gliye ilgiri toxtamlashqan tébbiy buyumlarning mejburiy emgekke chétishliq ikenlikige da'ir xewerlerge jiddiy inkas qayturushini, waqitning qistap kéliwatqanliqini eskertip: “Sizning mejburiy emgek mesilisini qandaq hel qilishingizgha peqet bir heptidin köprek waqtingiz qaldi,” dégen. En'gliye hökümiti xitayning Uyghurlarni depsende qiliwatqanliqini tenqid qilghan bolsimu, biraq “Konkrét tedbir qollanmidi” dep tenqidlinip kelmekte

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.