Әнглийәдики мустәқил хәлқ соти бу йил 5-айдин башлап уйғур шаһитлириниң гуваһлиқини аңлашқа башлайду

Мухбиримиз әркин
2021-02-05
Share

Әнглийәдики лондон мустәқил хәлқ соти бу йил 5-айда хитайниң уйғурларға ирқий қирғинчилиқ елип барған-бармиғанлиқини көрүп чиқишқа башлайдикән. Мәзкур мустәқил хәлқ соти дуня уйғур қурултийиниң шикайитигә асасән бу әрзни қобул қилған. Бирләшмә агентлиқниң 4-феврал хәвәр қилишичә, мустәқил хәлқ соти бу йил 5-айда өзлириниң тунҗи гуваһлиқ аңлаш йиғини ечип, онлиған шаһитниң гуваһлиқини аңлайдикән.

Лондон хәлқ сотиниң тәшкиллигүчиси ник вәш бирләшмә агентлиққа, 8 кишилик заседатиллар өмикиниң тәшкил қилинғанлиқи, тәтқиқатчиларниң 1500 парчә һөҗҗәт вә охшимиған дөләтләрдин әвәтилгән дәлилләрни көрүп чиқидиғанлиқини билдүргән. Мустәқил хәлқ сот коллегийәсигә әнглийәдики атақлиқ адвокат җефрей найис риясәтчилик қилиду. Җефрей найис илгири хәлқара җинайи ишлар сотиниң сабиқ сербийә президенти слободан милосивични сотлаш делосида баш тәптиш әмәлдари болған.

Бирләшмә агентлиқниң ейтишичә, сот хитай даирилириниң уйғурларға қарита садир қилған җинайәтлирини, җүмлидин қийин-қистақ, басқунчилиқ, қул қилиш, балиларни ата-анисидин мәҗбурий айриветиш, мәҗбурий туғмас қилиш җинайәтлирини көрүп чиқидикән. Хәвәрдә, мәзкур хәлқ сотиниң қарари һечқандақ бир һөкүмәтни чәкләш күчигә игә болмисиму, бирақ сотни тәшкиллигүчиләр соттики дәлил-испат көрситиш җәряниниң "шинҗаңдики дәпсәндичилик" кә қарши бир хәлқара һәрикәткә түрткә болуш үмидини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт