Нәсрәт ғәни: "өткән йили 12-айда баш министир борис җонсон һөкүмәтниң уйғур мәсилисини ‹алдинқи орунға' қойидиғанлиқини билдүргән"

Мухбиримиз әркин
2021-02-15
Share

Әнглийә баш министири борис җонсон "йәһудий хәвәрлири" гезити, әнглийә парламент әзаси нусрәт ғәни вә әнглийә йәһудийлар тәшкилати "рене кассин" ға җаваб хәт йезип, һөкүмәтниң уйғур мәсилисини "алдинқи орунға" қойидиғанлиқини билдүргән. "йәһудий хәвәрлири" гезитиниң билдүрүшичә, борис җонсон хетидә уларниң "шинҗаң вәзийитидин қаттиқ әндишә қилиши" ға ортақлишидиғанлиқи билдүргән.

Әнглийәниң хитайни җавабкарлиққа тартишта йетәкчилик рол ойнап кәлгән "йәһудий хәвәрлири" гезити "рене кассин" тәшкилати билән бирлишип борис җонсонға хәт язған. Уларниң хети әнглийә йәһудий вәкиллири комитети вә 50 тәк парламент әзасиниң қоллишиға еришкәниди. "йәһудий хәвәрлири" ниң билдүрүшичә, борис җонсон бу җаваб хәтни парламент әзаси нусрәт ғәнигә буниңдин бир ай аввал язған болсиму, бирақ бу хәт өткән һәптә елан қилинған. Борис җонсон һөкүмити өткән һәптә әнглийә парламентиниң авам палатасида сода қануниниң ирқий қирғинчилиқ тоғрисидики түзитиш лайиһәсиниң мақуллинишиға тосқунлуқ қилған.

Мәзкур қанун лайиһәсидә уйғурларниң әнглийә алий сотиға әрз қилип, хитайниң ирқий қирғинчилиқ йүргүзүватқанлиқиға һөкүм чиқиришни тәләп қилишиға йол қоюлған. "йәһудий хәвәрлири" дә ейтилишичә, борис җонсон җаваб хетидә; "шуниңға капаләтлик қилинидуки, шинҗаң вәзийити йәнила бу һөкүмәтниң алдинқи вәзиписи. Биз бу районда йүз бәргән еғир вә қорқунчлуқ кишилик һоқуқ дәпсәндичиликигә тақабил турушта давамлиқ һәрикәт қоллинимиз" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт