En'gliye tashqi ishlar ministiri xitaygha Uyghurlar mesilisidiki endishisini tekitligen

Muxbirimiz erkin
2021-05-28
Share

En'gliye tashqi ishlar ministiri dominik rab 27-may xitay tashqi ishlar ministiri wang yi bilen körüshkende en'gliyening Uyghur we xongkong mesililiridiki endishisini qayta tekitligen.

Roytérs agéntliqining xewer qilishiche, en'gliye tashqi ishlar ministirliqi bu heqtiki bayanatida, "Tashqi ishlar ministiri xongkong weziyiti we shinjangdiki mewjut kishilik hoquq depsendichilikige bolghan endishilirini qayta tekitlidi shundaqla b d t mutexessislirining shinjangda cheklimisiz tekshürüsh élip bérishigha yol qoyushning muhimliqini eskertti" dégen.

Dominik rab izchil xitayni qattiq tenqid qilip kelgen. U ilgiri "Shinjangdiki Uyghur musulmanlirining azab-oqubetlirige", "Bu kölemdiki kishilik hoquq depsendichilikige sel qarashqa bolmaydighanliqi" ni éytqan shundaqla bu yil 22-mart küni xitayning Uyghur élidiki 4 emeldari bilen uning ‍ikki apparatini jazalighanidi.

Biraq roytérs agéntliqining bildürüshiche, en'gliye tashqi ishlar ministirliqining bayanatida yene ikki terep ministirlirining axirida "Ikki döletning sodidin tartip janliqlar türining köp xilliqini qoghdashqiche bolghan sahelerde hemkarlishish pursiti barliqigha qoshulghanliqi", shundaqla yene ikki terepning bu mesililer toghrisida yenimu ilgiriligen halda muzakire élip bérish üchün izdinidighanliqi" ni bildürgenliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet