Әнглийә парламент әзаси ләйла моран хитайға уйғур «ирқий қирғинчилиқи» үчүн ембарго йүргүзүшни тәләп қилди

Мухбиримиз әркин
2020-09-28
Елхәт
Пикир
Share
Принт

Әнглийә парламентиниң либерал демократлар партийәсидин болған авам палата әзаси ләйла моран, әнглийә ташқи ишлар министири раабни хитайниң уйғурларға тутқан муамилиси сәвәблик ембаргони күчәйтишкә чақирған. Униң тәкитлишичә, хитайниң уйғурларға тутқан муамилиси «ирқий қирғинчилиқ» дин башқа нәрсә әмәс икән. У бу чақириқни либерал демократлар партийәсиниң 26-сентәбир видейода өткүзүлгән бир йиғинида тәкитлигән. У: «тарих бизгә қараватиду, дуня әңилийәгә қараватиду. Хәлқара җамаәт орнидин туруши вә һәрикәткә өтүши керәк,» дегән.

Ләйла моран йәнә мундақ дегән: «мән шуниңға қизиқиватимән, доминик рааб пойизда йиғивелиш лагерлириға елип меңилған син көрүнүшлирини көрдиму? мән униң көрмигәнликигә ишәнмәймән. Бу шу соални әқлимизгә салиду, немә үчүн бу көрмәскә селиниду? немә үчүн җазалиништин қачқан уйғурларға аптоматик мусапирлиқ салаһийити берилмәйду?» ләйла моранниң тәкитлиашичә, әнглийә һөкүмити уйғур дияридики лагерларда ишләпчирилған мәһсулатларни сетишни чәклиши вә «магнетиский қануни» бойичә ембарго йүргүзүши керәк икән.

У йәнә либерал демократлар партийәсиниң әнглийәдики башқа сиясий партийә-гуруһлар билән биргә бдт ниң районда мустәқил тәкшүрүш елип бериши, бдт кишилик һоқуқ алий комиссариниң уйғур дияриға әркин киришигә йол қоюлушини тәләп қилидиғанлиқини билдүргән. Әнглийә ташқи ишлар министири рааб илгири хитайниң уйғурларға тутқан муамилисини қаттиқ тәнқид қилған болсиму, лекин у әмәлий һәрикәт қоллинишқа, әңилийәниң мәвҗут қанунлирини ишлитип, хитай әмәлдарлирини җавабкарлиққа тартишқа чақирилип кәлгән иди.

Пикирләр (0)
Share
Толуқ бәт