En'gliye Uyghur mesilisi sewebidin béyjing qishliq olimpik musabiqisini bayqut qilishi mumkin

Muxbirimiz jewlan
2020-10-07
Share

En'gliyede chiqidighan "Muhapizetchi" géziti (The Guardian) torining 6-öktebirdiki xewirige qarighanda, en'gliye Uyghurlar uchrighan depsendichilik sewebidin 2022-yil ötküzülmekchi bolghan béyjing qishliq olimpik musabiqisini bayqut qilishi mumkin iken.

Xewerde éytilishiche, en'gliye tashqi ishlar ministiri dominik rab (Dominic Raab) en'gliye tashqi ishlar ministirliqi alahide komitétining yighinida kishilik hoquq depsendichilikige qarshi turush mesilisi heqqide so'al soralghanda, "Eger Uyghur musulmanlirining xitayda éghir depsende qiliniwatqanliqi heqqidiki ispatlar köplep otturigha chiqiwerse, en'gliye 2022-yilliq béyjing qishliq olimpik musabiqisige qatnashmasliqi mumkin," dégen. U yene tenterbiye bilen tashqi siyasetni ayriwétishni qollisimu, bezi chaghda uning mumkin emeslikini bildürgen hemde "Biz kéyinki qedemde qandaq qilishni etrapliq oylishiwatimiz," dégen.

6-Öktebir, b d t kishilik hoquq kéngishining 45-nöwetlik yighinida 39 dölet Uyghurlargha yürgüzülüwatqan jinayetni musteqil tekshürüshke chaqiriq qilghan bolup, bu qararni gérmaniye otturigha qoyghan, en'gliye qollighan.

Emma dominik rab en'gliye tashqi ishlar ministirliqi alahide komitétining yighinida Uyghurlar uchrawatqan kishilik hoquq depsendichilikini irqiy qirghinchiliq dep atimighan. Peqet buninggha a'it ispatlarning köplep chiqishi bilen xelq'ara jem'iyetning buninggha arilishidighanliqi we konkrét heriket qollinidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.