En'gliyede 145 ming adem imza qoyup, hökümetning Uyghurlarni xorlighan xitaygha émbargo yürgüzüshini telep qilghan

Muxbirimiz erkin
2020-10-09
Share

En'gliyede Uyghurlarni xorlighan xitay da'irilirige émbargo yürgüzüsh toghrisidiki bir chaqiriqqa 145 ming adem imza qoyup, hökümetning milyonlighan Uyghurni lagérlargha qamishigha qarshi heriketke ötüshini telep qilghan. Imza toplash herikitini en'gliyediki "Yehudiy xewerliri "Géziti qozghighan. Melum bolushiche, "Yehudiy xewerliri "Ning herikitige en'gliye parlaméntining 152 neper ezasi imza qoyghan.

"Yehudiy xewerliri "Ning bu heqtiki uchurida, toplan'ghan imzaning kéler hepte downing kochisidiki 10-nomurluq bash ministirliq mehkimisige tapshurulidighanliqi bildürülgen. Imza toplash herikiti en'gliyediki herqaysi yehudiy teshkilati we sinagoklirining qollishigha érishken. "Yehudiy xewerliri "Ning imza toplash mektupida, eger hazir heriketke ötülmise, "Hergiz qaytilanmaydu "Dégen wedining quruq sözge aylinidighanliqi tekitlen'gen.

Xewerde qeyt qilinishiche, en'gliye parlaménti 12-öktebir xitayning Uyghurlargha tutqan mu'amilisi we émbargo mesilisini munazire qilishni békitken. Eger toplan'ghan 145 ming imza kéler hepte bash ministirliq mehkimisige tapshurulsa, hökümet qanun boyiche uninggha jawab béridiken. En'gliye hökümiti Uyghur mesiliside xitayni keskin tenqid qiliwatqan bolsimu, lékin uning xitay da'irilirige qarita konkrét tedbir qollinishi telep qilinip keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.