En'giliye parlaméntida en'giliyege qéchip kelgen Uyghurlargha birdek siyasiy panahliq bérish telep qilindi

Muxbirimiz erkin
2020-10-16
Élxet
Pikir
Share
Print

En'giliye parlaméntida en'giliye hökümitini Uyghurlargha birdek siyasiy panahliq bérishke chaqirish toghrisidiki bir teklip layihesi otturigha qoyulup, parlamént ezalirining imza qoyushigha sunulghan.

Melum bolushiche, 14-öktebir sunulghan teklip layihesige ikki kün ichide 8 parlamént ezasi imza qoyghan. Teklip layiheside Uyghurlarning nöwettiki weziyitini közde tutup, hökümetning shiwétsiye hökümitidek bezi yawropa hökümetliridin ülge élishi, xitay dölitining ziyankeshlikidin qéchip en'giliyege kelgen Uyghurlargha birdek aptomatik siyasiy panahliq bérishi telep qilin'ghan.

Mezkur teklip layihesige hazirgha qeder konsérwatiplar, libéral démokratlar, ishchilar, ittipaqchilar, démokratik birlikchiler qatarliq oxshimighan siyasi partiye-guruhlardin alistéyir karmaykél, leyla moran, jim shenon, sir pétér batomléy, jémiy ston qatarliq 8 parlamént ezasining imza qoyghanliqi melum. Közetküchilerning tekitlishiche, uninggha aldimizdiki künlerde téximu köp parlamént ezalirining imza qoyushi perez qilinmaqta iken.

En'giliye parlaménti xitayning Uyghurlargha tutqan mu'amilisige qattiq inkas qayturiwatqan gherb parlaméntlirining biri. Teklip layiheside xitayning bir milyondin artuq Uyghurni shara'iti intayin nachar lagérlargha qamap, xorlawatqanliqigha da'ir doklatlargha diqqet qiliwatqanliqi, yéngi tetqiqat doklatlirida xitayning Uyghur ayallirini tughmas qiliwatqanliqi ilgiri sürülgenliki tekitlen'gen. Doklatta mundaq déyilgen: "Hökümetni xitay dölitining diniy ziyankeshlikidin qéchip en'giliyege kelgen barliq Uyghurlargha aptomatik siyasiy panahliq bérishke chaqirimiz."

Toluq bet