Парламент әзаси тим ловтон әнгилийә һөкүмитини хитайниң "уйғур ирқий қирғинчилиқи" ни тосушқа чақирған

Мухбиримиз әркин
2021-11-22
Share

Әнгилийә консерватип партийәсидин болған парламент әзаси тим ловтон, әнглийәни хитайниң уйғурларға йүргүзиватқан "ирқий қирғинчилиқи" ни җазалаш үчүн униң мәһсулатлирини сетивелишни тохтитишни тәләп қилған. Тим ловтонниң ейтишичә, әнгилийә хитай билән болған мунасивәтни үзүштә "техиму илгирләп меңиши керәк" икән.

Тим ловтон бу сөзләрни 21-ноябир күни әнгилийә "GB хәвәрлири" қанилиниң зияритини қобул қилғанда ейтқан. Униң ейтишичә, әнгилийә хитай билән болған барлиқ мунасивәтлирини үзүштә техиму илгирләп һәрикәт қилип, униң уйғурларға йүргүзгән ирқий қирғинчилиқиниң қобул қилинмайдиғанлиқи тоғрисида сигнал бериш керәк икән.

Тим ловтон интайин қаттиқ рәвиштә агаһландуруп: "биз кәлгүсидә хитай билән иш қилиш үчүн униңға шәрт қоюшимиз керәк," дегән. У йәнә әнгилийәниң "ирқий қирғинчилиқ җинайити садир қилған һөкүмәтләр билән сода келишими имзалимаслиқи керәклики" ни билдүргән.

Тим ловтон ‍уйғур мәҗбурий әгәк мәһсулатлириға даир соалларға җавап бәргәндә, һөкүмәтниң уйғур елидики карханиларға чәклимә қоюшта қандақ һәрикәтләрни қолланғанлиқи, мәзкур районда ишләпчиқирилған мәһсулатларниң уйғур қул әмгики билән ишләпчилириғанлиқиға даир гуман барлиқини тәкитлигән.

У йәнә әнгилийә һөкүмитиниң хитай мәһсулатлирини чәкләш арқилиқ униң уйғурларға қарита садир қилған вәһшиликлиригә қарши "техиму илгирилигән қәдәмләрни елиши керәеклики" ни ейтқан. Униң қаришичә, хитай мәһсулатлириға болған универсал сода қамили хитайниң кишилик һоқуққа тутқан позитсийәсидә "өзгириш һасил қилишниң бирдинбир йоли" икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт