Parlamént ezasi tim lowton en'giliye hökümitini xitayning “Uyghur irqiy qirghinchiliqi” ni tosushqa chaqirghan

En'giliye konsérwatip partiyesidin bolghan parlamént ezasi tim lowton, en'gliyeni xitayning Uyghurlargha yürgüziwatqan “Irqiy qirghinchiliqi” ni jazalash üchün uning mehsulatlirini sétiwélishni toxtitishni telep qilghan. Tim lowtonning éytishiche, en'giliye xitay bilen bolghan munasiwetni üzüshte “Téximu ilgirlep méngishi kérek” iken.

Tim lowton bu sözlerni 21-noyabir küni en'giliye “GB Xewerliri” qanilining ziyaritini qobul qilghanda éytqan. Uning éytishiche, en'giliye xitay bilen bolghan barliq munasiwetlirini üzüshte téximu ilgirlep heriket qilip, uning Uyghurlargha yürgüzgen irqiy qirghinchiliqining qobul qilinmaydighanliqi toghrisida signal bérish kérek iken.

Tim lowton intayin qattiq rewishte agahlandurup: “Biz kelgüside xitay bilen ish qilish üchün uninggha shert qoyushimiz kérek,” dégen. U yene en'giliyening “Irqiy qirghinchiliq jinayiti sadir qilghan hökümetler bilen soda kélishimi imzalimasliqi kérekliki” ni bildürgen.

Tim lowton ‍uyghur mejburiy egek mehsulatlirigha da'ir so'allargha jawap bergende, hökümetning Uyghur élidiki karxanilargha cheklime qoyushta qandaq heriketlerni qollan'ghanliqi, mezkur rayonda ishlepchiqirilghan mehsulatlarning Uyghur qul emgiki bilen ishlepchilirighanliqigha da'ir guman barliqini tekitligen.

U yene en'giliye hökümitining xitay mehsulatlirini cheklesh arqiliq uning Uyghurlargha qarita sadir qilghan wehshiliklirige qarshi “Téximu ilgiriligen qedemlerni élishi kéreékliki” ni éytqan. Uning qarishiche, xitay mehsulatlirigha bolghan uniwérsal soda qamili xitayning kishilik hoquqqa tutqan pozitsiyeside “Özgirish hasil qilishning birdinbir yoli” iken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar