En'gliye parlaméntida Uyghur mesilisi üstide munazire bolghan

Muxbirimiz irade
2018-12-20
Élxet
Pikir
Share
Print

19-Dékabir charshenbe küni en'gliye parlaméntida Uyghurlarning weziyiti heqqide munazire bolghan.

En'gliye parlaméntining tor bétide élan qilin'ghan tepsilattin qarighanda, mezkur yighinda en'gliye parlaméntining bir qisim ezaliri xitay hökümitining Uyghurlargha yürgüzüwatqan bésim siyasetlerni xitayning özidin sorash we uni xelq'ara jama'etke kötürüp chiqish üchün en'gliye hökümitining qandaq xizmetlerni ishligenlikini sürüshte qilghan.

Parlaménttiki bu munaziride bérilgen jawabta en'gliye hökümitining Uyghur élidiki weziyettin qattiq endishe qiliwatqanliqi, bu seweblik yéqinda en'gliye diplomatlirining Uyghur élini ziyaret qilghanliqi bildürülgen.

Melum bolushiche, en'gliye tashqi ishlar ministirliqi we asiya we tinch okyan rayonigha mes'ul dölet ishlar ministiri xitay emeldarliri bilen uchrishishliridimu Uyghur mesilisini otturigha qoyghan iken.

Parlaménttiki bu munaziride xitay hökümitining Uyghur élide yürgüzüwatqan siyasetlirini ayaghlashturush üchün xitaygha bolghan bésimni kücheytish, Uyghur élidiki lagérlargha munasiwetlik bolghan herqandaq xitay shirkiti bilen qet'iy tijaret qilmasliq, Uyghur mesilisini xelq'ara munberlerge kötürüp chiqishni qollash qatarliqlar tekitlen'gen.

Toluq bet