Uyghur aptonom rayonluq xelq qurultiyining mu'awin bash katipi enwer tursun üstidin délo turghuzulghan

Muxbirimiz erkin
2020-06-08
Share

Xitay da'iriliri Uyghur aptonom rayonluq xelq qurultiyining sabiq mu'awin bash katipi enwer tursun üstidin délo turghuzup bir terep qilishni qarar qilghan.

Xitay da'iriliri 2019-yili 7-ayda enwer tursunni tekshürüshke bashlighan idi. Uyghur aptonom rayonluq intizam tekshürüsh we réwiziye komitétining 8-iyun élan qilishiche, aptonom rayonluq partkom enwer tursunning wezipisini élip tashlap, uning üstidin délo turghuzushni qarar qilghan. Enwer tursun xitayning 2017-yili bashlan'ghan chong tutqunidin béri "Müjmel eyibleshler" bilen wezipisidin élip tashlan'ghan we jazagha tartilghan köpligen Uyghur kadirlirining yene biridur.

Uyghur aptonom rayonluq intizam tekshürüsh we réwiziye komitétining uqturushida enwer tursunni "Héchqandaq ghayisi we ishenchi yoq, partiyege sadiq we semimiy bolmighan, merkezning zor qarar we orunlashturushini ijra qilishni ret qilghan. Merkezning 8 xil belgilimisige xilapliq qilghan. Perzentlirining toy murasimini ölchemdin ashuruwetken. Hoquqidin paydilinip özi we uruq-tughqanliri töleshke tégishlik chiqimlarni bashqilargha töletken…" dep eyibligen. Uqturushta tekitlinishiche, aptonom rayonluq partkom enwer tursunni partiyedin qoghlap chiqirish, wezipisidin élip tashlash, 'xelq qurultiyining wekili' dégen salahiyitini bikar qilish, mal-mülkini musadire qilish we uni teptish organlirining bir terep qilishigha tapshurush" ni qarar qilghan.

Esli xotenlik bolghan enwer tursun ilgiri béyjing pen-téxnika uniwérsitetini püttürüp, uzun yil qeshqerde xizmet qilghan. Bu jeryanda u qeshqer kona sheher nahiyesining hakimi, qeshqer shehirining sheher bashliqi, qeshqer wilayetlik birliksep bölümining bashliqi qatarliq wezipileri ötigen. U 2017-yili 3-aydin bashlap Uyghur aptonom rayonluq xelq qurultiyining mu'awin bash katipliq wezipisige yötkep kélin'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet